Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
Berisha: Shqiptarët do të paguajnë në 10 vite 135 milionë euro për Aeroportin e Vlorës, lekët do ndahen midis Lubisë dhe koncesionarit
PiranjatPërditësimi i fundit 20 Tetor 2025, 12:42
Kryedemokrati Sali Berisha, në një konferencë me gazetarët, ka denoncuar aeroportin e Vlorës, ku sipas tij Shqiptarët do të paguajnë në 10 vite 135 milionë euro.
Ai ka vijuar më tej me akuzat, duke u shprehur se paratë do të ndahen midis ministres Belinda Balluku dhe koncesionarit.
Berisha:
Rama-Lubi Balluku dhe ky skandal lidhet me aeroportin e Vlorës. Ju jeni dëshmitarë se unë prej tre vitesh denoncoj publikisht aeroportin e Vlorës për dy arsye madhore. Arsyeja e parë madhore që unë kam denoncuar aeroportin e Vlorës është korrupsioni mbi të cilin ngrihet kjo vepër e infrastrukturës dhe që u kushton qytetarëve shqiptarë çmim të tmerrshëm. Unë kam denoncuar para jush se kontrata e Edi Ramës dhe Lubi Ballukut me ndërtuesin e aeroportit, parashikon që qeveria shqiptare të paguajë për 10 vite me radhë të gjithë biletat nën numrin e parashikuar. Sipas kësaj kontrate ultrakorruptive, qeveria do i paguajë çdo vit mbi 9 milionë euro koncesionarit, dhe mundet edhe më shumë. Qeveria pra, shqiptarët do paguajnë në 10 vite 135 milionë euro. Do paguajnë edhe 20 milionë euro më shumë seç ka kushtuar aeroporti vetë dhe koncesionari do shfrytëzojë aeroportin për 35 vite me një fitim të llogaritur 700 milionë euro. A ka njeri në botë që mund të firmosë një kontratë të tillë? Koncesionari ndërton koncesionin, ndërton veprën. Natyrisht në ato 700 milionë euro është stër-stërfitimi i tij. 700 milionë euro janë 5-6 herë kostoja e ndërtimit. Dhe, kjo jo, në vend së të paguajë taksapaguesve fee-në koncesionarë, taksapaguesit shqiptarë i paguajnë koncesionarit rreth 10 milionë euro. De facto këto ndahen midis Lubisë dhe koncesionarit, se ndryshe nuk mund të ketë kurrë, nuk mund të ndodhë një gjë e tillë. Pra, në vend se t’i paguajë shtetin fee-në koncesionare nga viti i parë, qyetarët i paguajnë Lubisë, Ramës dhe koncesionarit 130 milionë euro, pra nja 20 milionë euro më shumë se të gjitha shpenzimet për ndërtimin e aeroportit të Vlorës.
