Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
POLITIKE
Berisha takohet me eurodeputetin Cristian Terhes: Denoncova shtypjen e opozitës dhe korrupsionin e qeveritarëve
PiranjatPërditësimi i fundit 30 Tetor 2025, 14:04
Kryedemokrati Sali Berisha zhvilloi sot një takim me eurodeputetin Cristian Terheș, njëherësh anëtari i Komitetit të Stabilizimit në Parlamentin Europian.
Përmes një postimi në rrjetin e tij social Facebook, Berisha zbardh bisedën se çfarë diskutoi me eurodeputetin.
Berisha tha se i paraqiti problemet më kryesore me të cilat përballet vendi, si:
“Në takim theksova se Edi Rama, nëpërmjet mediave dhe diplomatëve të korruptuar që kontrollon, mashtron dhe trillon, duke paraqitur opozitën dhe betejën e saj për votën e lirë, për vlerat e demokracisë, për luftën kundër narkoshtetit dhe korrupsionit, sikur nuk e do integrimin në BE. Këto janë mashtrime banale të propagandës së paguar të Edi Ramës.
Partia Demokratike, që në themelimin e saj, ka qenë forcë kryesore e integrimit të vendit në KE, në NATO dhe në BE. Ajo e konsideron integrimin e Shqipërisë në BE si të ardhmen më të ndritur për shqiptarët, por beson se ky proces duhet të bazohet në meritë, në reforma, dhe jo në “suksese” imagjinare dhe propagandë trilluesе.”– shkruan Berisha më tej në rrjete sociale.
