Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
Berisha: Te galeria e Ajola Xoxës u gjet edhe një dhomë masazhi për dy tajlandezë! Shuma e gjetur është 220 mijë euro
ZH.LLPërditësimi i fundit 13 Dhjetor 2024, 14:11
Berisha ne konference
TIRANË- Kreu i demokratëve, Sali Berisha ka komentuar zhvillimet e fundit të operacioneve të poliicë, teksa është ndalur te rasti i Ajola Xoxës. Në konferencën e tij me gazetarët, Berisha u shpreh se ai më herët kishte zbuluar dhe informuar publikun për shumën e parave të gjetura në galerinë e Xoxës.
Berisha tha se krahas parave, janë gjetur dhoma masazhi për dy tajlandezë, për të cilën shtoi se nuk është në dijeni te përfitimeve dhe qëllimeve të saj.
"Të dashur miq, ju keni ndjekur këtë javë zhvillimet në Kodrën e Diellit dhe duelin e zhvilluar midis Kodrës së Diellit dhe Kodrës së Surrelit. Denoncova falë BKH-së, të ndërgjegjshëm dixhitale, që në fillim çdo hap këtë ngjarje. Kërcënimet që i bëri Alban Dabulla, Edi Ramës me dosjen Xibraka dhe efektet e këtyre kërcënimeve. Kontrollet që u bënë në Harabal, por ishte edhe një lokacion tjetër, si të themi Harabeli bis. Informova publikun se janë gjetur 230 mijë, natyrisht e ndryshoj shifrën që të mbroj sadopak burimin, por janë gjetur 220 mijë euro, por janë gjetur thasë me fatura 200 mijë, 300 mijë, 400 mijë, që vetëm Velica dhe Lalë Vjedhësi e dinë se çfarë janë ato. Krahas tyre është gjetur dhoma e masazhit për dy tajlandezë. A janë të punësuar aty apo merren për seanca mesazhi, këtë nuk e di. Përdoret për përfitime apo vetëm për qëllime personazhe salla e mesazhit, nuk e di. E vërteta është se në një galeri, po t’u biesh galerive nga Afrika e Jugut gjer në kepin e veriut, nuk gjen një galeri arti me sallë masazhi, përveç galeria e Velicës. Ky është realiteti.", tha Berisha.
