Zjarri në zonën e Radostinës në Fier vijon të jetë aktiv me intensitet të lartë dhe situata raportohet e vështir&...
POLITIKE
Berisha: Të premten të përmbushim detyrën tonë, të largojmë nga zyra hajdutin e vjedhjes 100 përqind të taksave
M.B.Përditësimi i fundit 18 Qershor 2024, 21:24
Sali Berisha
TIRANA- Kreu i Partisë Demokratike, Sali Berisha, ka thënë sot se Shqipëria sot ka lëshuar klithmën e shpëtimit që duhet ta dëgjojë çdo bir dhe bijë e saj. Ai ftoi qytetarët të premten për në protestën e opozitës para Bashkisë së Tiranës. Berisha tha se duhet të largojnë nga zyra kryebashkiakun Erion Veliaj.
Pjesë nga fjala e Berishës:
Miqtë e mi, e premtja po vjen. Erion Veliaj vazhdon sfidon revoltën popullore. Sfidon qytetarët! Vazhdon të qëndrojë në detyrë si qeveritari i zi me modelin e vjedhjeve 100 përqind. Hotelet e tij me 5 yje lartësohen çdo javë sepse mercenari Dumani është bërë parzmore e tij, e amniston atë! Shpresa e vetme për Shqipërinë, për shqiptarët, jeni ju.
Ta kapni për zverku këtë mafioz të shpifur, ta nxirrni nga zyra, ta varni në shtyllën e turpit të historisë. Qytetarë dhe qytetare, ftesa ime për çdo shqiptar që e ndjen veten të tillë, t’i dalë zot vetes, të marrë fatin e tij në duart e veta. Të marrë fatin e shqiptarëve në duart e tij. Shqipërinë e bëjnë vetëm shqiptarët. Shqipërinë po e zhbëjnë mafia shqiptare dhe ndërkombëtare.
Shqipëria sot ka lëshuar klithmën e shpëtimit që duhet ta dëgjojë çdo bir dhe bijë e saj. Ndaj dhe ju ftoj të premten të përmbushim detyrën tonë, të largojmë nga zyra hajdutin e vjedhjes 100 përqind të taksave, Erion Veliaj. Rrofshi ju, rroftë Tirana, rroftë Shqipëria. Fitore, fitore, fitore!
