Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Berisha thirrje për protestën e 8 Majit: Zotët e Shqipërisë jemi ne, jo banda e pushtetit
PiranjatPërditësimi i fundit 5 Maj 2026, 20:26
Gjatë fjalës së mbajtur në ‘Foltoren’ në Astir, kryedemokrati Sali Berisha, u ka bërë thirrje qytetarëve që të marrin pjesë në protestën e 8 Majit në Tiranë, duke e cilësuar atë si një moment vendimtar për të ardhmen e vendit.
Berisha deklaroi se opozita ndodhet në “kilometrin e fundit” të përballjes politike, ndërsa theksoi se, sipas tij, kryeministri Edi Rama është në një situatë të pashpresë.
Ai theksoi se protesta do të zhvillohet për dinjitetin, të drejtat dhe të ardhmen e qytetarëve shqiptarë. “Më 8 Maj, në rrugët dhe sheshet e Tiranës do t’u themi shqiptarëve se zotët e Shqipërisë jemi ne”, u shpreh Berisha, duke e cilësuar pjesëmarrjen qytetare si thelbësore.
Pjesë nga fjala e kreut të PD, Sali Berisha:
Jemi në kilometrin e fundit.
Përsëri, rruga është e vështirë, por absolutisht, Edi Rama është i pashpresë. Është i pashpresë! Dhe ne do ta bëjmë këtë kilometër.
Do ta bëjmë, për sakrificën tonë! Do ta bëjmë, për fëmijët tanë dhe të ardhmen e tyre! Do ta bëjmë, për dinjitetin e shqiptarëve, për të ardhmen e Shqipërisë!
8 Maj është dita jonë!
Më 8 Maj, në rrugët dhe sheshet e Tiranës, do t'u themi shqiptarëve se zotët e Shqipërisë jemi ne, dhe jo banda në pushtet! Me 8 Maj, do t'i themi botës, Evropës dhe botës, se vlerat, të drejtat, kanë një avokat të pamposhtur, jemi ne.
Se jemi të vendosur, gjer në rikthimin e tyre të vazhdojmë betejën tonë. Dhe se Edi Rama është një armik i egër i shqiptarëve. Është një armik i egër i të drejtave, i lirive, i mirëqenies, i sigurisë së këtij vendi.
Është një e keqe nga më të rrezikshmet, me të cilën do ndahemi të sigurtë dhe sa më shpejt.
Edhe njëherë, të gjithë, ju falënderoj dhe të gjithë në datën 8 Maj, të ngrihemi madhërishëm, në protestën tonë paqësore, në të drejtën tonë për dinjitetin tonë, për dinjitetin e kombit tonë, për dinjitetin e vendit tonë.
