Protestuesit kanë mbërritur tashmë përpara Kryemninistrisë, pasi më herët ishin tek Ministria e Arsimit. Ata u dëbuan ...
POLITIKE
Berisha thirrje qytetarëve për pjesëmarrje në Protestën Kombëtare: Më 20 shkurt do të përmbushim misionin tonë!
PiranjatPërditësimi i fundit 18 Shkurt 2026, 19:43
Kryetari i Partisë Demokratike Sali Berisha u ka bërë thirrje banorëve të Sukthit dhe Durrësit që ti bashkohen protestës së 20 shkurtit.
Gjatë fjalës së tij, ai u shpreh se, protesta e Partisë Demokratike dhe opozitës i kanë shpëtuar faqen kombit shqiptar.
‘Në qoftë se ka pasur protesta për t’i shpëtuar faqen këtij kombi, në qoftë se ka pasur protesta ndonjëherë për të mbrojtur dinjitetin e këtij kombi, kanë qenë protestat që ne bëmë javët e fundit.
Dhe ua them këtu, janë përcjellë me admirimin dhe dashamirësinë më të madhe, më të jashtëzakonshme. Pra, e drejta është me ne’, theksoi në fjalën e tij, lideri i opozitës Sali Berisha.
Pjesë nga fjala e Sali Berishës:
Të dashur miq, protestat tuaja gjatë javëve të fundit kanë qenë protestat më të rëndësishme që kemi bërë ndonjëherë.
Në qoftë se ka pasur protesta për t’i shpëtuar faqen këtij kombi, në qoftë se ka pasur protesta ndonjëherë për të mbrojtur dinjitetin e këtij kombi, kanë qenë protestat që ne bëmë javët e fundit.
Dhe ua them këtu, janë përcjellë me admirimin dhe dashamirësinë më të madhe, më të jashtëzakonshme.
Pra, e drejta është me ne.
Shqiptarët në Shqipëri dhe kudo që janë presin nga demokratët të përmbushin misionin e tyre.
Presin nga opozitarët të përmbushin misionin e tyre.
Por edhe njerëzit e lirë në mbarë botën, për të cilët qeveri legjitime nuk ka pa votë të lirë, për të cilët qeveria legjitime nuk ka kur mbron korrupsionin, janë me ne dhe presin fitoren tonë.
Ndaj dhe u ftoj të vazhdojmë këtë betejë, të vazhdojmë misionin tonë, duke pasur vetëdijen e plotë se është misioni më i rëndësishëm i jetës tonë.
