Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
POLITIKE
Berisha u bëri thirrje nxënësve të bojkotojnë mësimin për mbylljen e TikTok-ut/ Rama: Duhet të marrë seriozisht si një simptomë lajthitjeje e rrezikshme
M.B.Përditësimi i fundit 10 Mars 2025, 16:33
TIRANA- Kryeministri Edi Rama ka reaguar përmes rubrikës në rrjetet sociale "Ç'kemi ndonjë të re" pas thirrjes së kreut të PD-së Sali Berisha, për bojkotimin e mësimit pas vendimit të qeverisë për mbylljen e TikTok-ut. Rama thotë se arsyeja pse vendimi u mor vetëm javën e shkuar, ka të bëjë vetëm me kapacitetet teknike për ta mbyllur. Ai flet me ironi për thirrjet e Berishës duke thënë se duhet të marrë seriozisht si një simptomë lajthitjeje e rrezikshme.
"Bufi i kënetës u bën thirrje fëmijëve të protestojnë për mbylljen e tiktok për të mos shkuar në shkollë, dhe u kërkon prindërve të bashkohen me fëmijët, kundër mësimit, dhe të dalin në shesh për Tiktoku, kjo është këneta jonë opozitare dhe filozofia e saj.
Kjo ka qenë dhe do të jetë derisa të ketë bufin që vigjiloz nga ballkoni me të gjithë gjindjen poshtë në kënetë, duke i kthyer përfaqësuesit e popullit opozitar në zvarranikë politikë e në insekte mediatike që kafshojnë e pickojnë duke hlmuar pafund çorbën e debatit politik e mediatik shqiptar.
95% e mësuesve na kërkuan mbyllni tiktok një orë e më parë, madje ata na kërkuan edhe më shumë. Arsyeja pse vendimi u mor vetëm javën e shkuar, ka të bëjë vetëm me kapacitetet teknike për ta mbyllur. S’ka të bëjë me lirinë e fjalës dhe zgjedhjet Apeli i bufit të kënetës, duhet të marrë seriozisht si një simptomë lajthitjeje e rrezikshme", tha Rama.
