Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
POLITIKE
Bllokimi i rrugëve është vepër penale/ Ivi Kaso: Policia t’ia kujtojë këtë edhe Kryeministrit
I.APërditësimi i fundit 29 Tetor 2024, 17:44
ELBASAN- Drejtuesi politik i Qarkut të Korçës, Ivi Kaso, ka foluar për mediat nga Elbasani ky qytetarët kanë bllokuar qarkullimin në këtë aks. Kaso kërkoi mirkuptimin e qytetarëve, të cilën janë bërë edhe vetë pjese e bllokimit. Ai theksoi se kjo formë proteste do të vijojë deri në orën 20:00.
"Edhe në rrethrrotullimin e Bradasheshit, nisi etapa e mosbindjes civile që ka të bëjë me bllokimin e qarkullimit në akset kryesore rrugore. Jemi treguar të kujdesshëm që, pavarësisht kësaj mënyre jo shumë të zakontë proteste, të lajmëronim qytetarët që të merrnin masa për të qarkulluar paraprakisht. Besoj që në një pjesë të madhe kjo është arritur. Kërkojmë mirëkuptimin e qytetarëve për të gjithë opozitarët që janë të vendosur për të përfunduar në mënyrë qytetare këtë bllokadë. Shpresoj që deri në përfundim të kësaj proteste, jo më para se ora 20:00, të mos shënohen përplasje. Deri tani konstatojmë se policia ka marrë masa për të devijuar në akse të tjera trafikun. Policia do të procedojë penalisht organizatorë dhe qytetarë, nuk kemi dyshim. E ka bërë këtë në çdo protestë. Do të donim që Policia e Shtetit të tregonte të njëjtin zell sa herë që kryeministri për çdo aheng vendos të bllokojë qarkullimin normal," tha Kaso.
