Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
Blushi del nga komisariati pas 4 orësh: Rrugaçëria dhe dhuna e narkoshtetit mori përgjigjen e merituar, me këtë regjim zero tolerancë
r.llPërditësimi i fundit 22 Korrik 2024, 21:43
tedi blushi
TIRANË- Këshilltari i PL-së në bashkinë e Tiranës, Tedi Blushi pas 4 orësh marrje në pyetje ka lënë ambientet e komisariatit nr.1. Në një prononcim të shkurtër, Blushi tha se Valteri mori përgjigjen e merituar pas provokimit që iu bë.
Ai tha se kushdo që provokon opozitën do të marrë përgjigjen që meriton në mënyre "demokratike edhe shqiptare".
Blushi: Prej 5 orësh jam në komisariatin e narkoshtetit e narkopolicisë, për të dhënë sqarime mbi atë ngjarje të shëmtuar, atë provokim që mu bë sot në mbledhjen e Këshillit Bashkiak, ku rrugaçëria dhe dhuna e narkoshtetit mori përgjigjen e merituar, siç e mori në dyert e këtij komisariati. Dhe siç do ta marrë në çdo strofull të krimit. Me këtë regjim ka zero tolerancë, me këtë regjim ka vetëm qëndresë. Përgjigja do të jetë shembullore në çdo strofull komsariati, policie, qeverie, bashkie. Kush provokon opozitën do të marrë përgjigjen që meriton në mënyre dëmokratike edhe shqiptare.
Përplasja mes tyre erdhi pasi Blushi hodhi disa letra në drejtim të kryebashkiakut Erion Veliaj. Më pas Valteri ka ndërhyrë dhe ka shtyrë Blushin, ku ky i fundit e ka goditur me grusht. Të dy pretendojnë për dhunë fizike ndaj njëri-tjetrit, por ka qenë këshilltari socialist, Halit Valteri i cili ka depozituar një kallëzim në polici ndaj Blushit, ku thotë se është goditur me grusht dhe objekte. Ky i fundit është marrë në pyetje, për të dhënë sqarime ne lidhje me incidentin që shoqëroi mbledhjen e këshillit bashkiak.
