Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
Tedi Blushi i drejtohet Ulsi Manjës: Ju qe donit të shkarkonit Meten pse mbrojti Kushtetutën, tani mbroni Begaj që e shkeli
PiranjatPërditësimi i fundit 31 Tetor 2025, 13:57
Sekretari i Përgjithshëm i PL, Ted Blushi, theksoi se maxhoranca socialiste nuk përfaqëson vullnetin e qytetarëve shqiptarë.
Blushi i drejtohet ish-ministrit të Drejtësisë se maxhoranca deshtë të shkarkonte ish-presidentin Ilir Metën pasi sipas tij mbrojit Kushtetutën, kurse Bajram Begaj u mbrojt edhe pse e shkeli.
“Meqënëse edhe ju dhe kjo mazhorancë, në fakt, keni iniciuar kohë më parë një proces për shkarkimin e Presidentit Meta, besoj e keni marrë përgjigjen nga Gjykata Kushtetuese dhe nga Komisioni i Venecias dhe ju falenderoj që e filluat me këtë provokim për ti dhënë dhe një përgjigje përpjekjeve për të krahasuar këto dy momente. Së pari dua t’ju kuptoj që kërkesa juaj për shkarkimin e Presidentit Meta, në fakt lidhej vetëm me një argument, që pse Z. Meta po mbronte Kushtetutën dhe interesin Kombëtar. Ndërsa kërkesa aktuale e opozitës, për shkarkimin e Presidentit Begaj, lidhet me faktin se ai ka shkelur Kushtetutën dhe këto janë dy kërkesa që ndryshojnë si në thelb ashtu edhe në qëllim.
Përse duhet të shkarkohet Bajram Begaj, 7 argumentat e opozitës janë të qarta. Më vjen keq që edhe si ish–këshilltar i Presidentit të Republikës, të konstatoj që tanimë ky institucion është kthyer nga një kështjellë në mbrojtjen e Kushtetutës, në një institucion që meriton vetëm përbuzje dhe përqeshje.
Por kjo është çështje e drejtuesit të atij institucioni për ta zgjidhur në raport me detyrën e tij. Jepini mundësinë këtij Komisioni për ti dhënë udhë një procesi, i cili meriton të shkojë deri në fund.
Së dyti, nuk e cilësoj normal faktin që në këtë mbledhje mungon Presidenti i Republikës ose mungon një përfaqësues i këtij institucioni, sepse qëndrimet e tij do ta ndihmonin këtë Komision të ishte sa më racional në raport me vendimet që do të marrë.
Unë nuk kam asnjë surprizë nga qëndrimi që kjo maxhorancë lexoi, e kamufluar gjoja pas një argumenti juridik, sepse verdiktin në fakt e ka shpallur Taulant Balla dhe ju thjesht vullnetin politik të Edi Ramës nëpërmjet zëdhënësit Balla, e formalizuat në një raport dhe kjo tregon dhe njëherë dhe na jep një tjetër argument që pse Presidenti i Republikës duhet shkarkuar.
Por dua t’i kujtoj këtij Komisioni se shkelja e Kushtetutës është një akt shumë i rëndë dhe është ky Komision përgjegjës kryesor në institucionin e Kuvendit të Shqipërisë, për të cilin mbrojtja e Kushtetutës duhet të jetë kryesore.
Nuk ka mision më të madh ky Komision se sa mbrojtjen e Kushtetutës dhe për më tepër mos harrojmë që paralelisht me këtë mbledhje, po zhvillohet edhe një seancë në Gjykatën Kushtetuese për një ish – kryetar bashkie, i cili në fakt duhet të ishte shkarkuar kohë më parë, por që edhe ai po ju akuzon, pra ish-bashkëpunëtori juaj, për shkelje të Kushtetutës.
Ndaj jepini mundësi Kuvendit të Shqipërisë të shqyrtojë këtë kërkesë të opozitës, të ketë një debat real, sepse është e papranueshme sot që institucionet që duhet të jenë garantë të mbrojtjes së Kushtetutës, po kthehen në dhunuesët më të ashpër dhe më banale të shkeljes së Kushtetutës.
Ndaj do kërkoja prej jush që për një moment, edhe pse e di që e keni të vështirë, edhe pse e di që jeni një maxhorancë e cila nuk keni dalë nga vullneti dhe nuk shprehni dhe as përfaqësoni vullnetin e shqiptarëve dhe këtë e tha qartësisht edhe raporti i OSBE-ODIHR.
Megjithatë, uroj që në ndërgjegjen tuaj profesionale, për të gjithë ata që janë jurist në këtë Komision, të prevalojë interesi Kombëtar dhe mbi të gjitha, interesi për mbrojtjen e ligjit themeltar të shtetit.
Në qoftë se vini këtu dhe mundoheni që vullnetin politik të Edi Ramës, të shprehur nga goja e Taulant Ballës, ta përktheni në një rezolutë, kjo ju bën ju po aq qesharakë sa Presidentin e Republikës.
Ndaj do ju ftoja që ti hapni udhën ngritjes së një Komisioni Hetimor edhe pse keni bërë shumë gabim që sot nuk e keni ftuar Presidentin apo një përfaqësues të këtij institucioni që të bindeshit edhe ju vet që ky President, për fat të keq i Republikës, nuk duhet të jetë më në atë detyrë.
Mos harroni që jeni çertefikuar nga Gjykata Kushtetuese, por edhe nga Komisioni i Venecias, që i keni dhënë udhë një procesi antikushtetues, pra edhe ju vetë si shumicë jeni çertefikuar si shkelës të Kushtetutës në raport me kërkesën që bëtë për shkarkimin e Presidentit Meta, pse ai mbronte Kushtetutën.”, deklaroi Blushi.
