"Buka e Dumanit dhe fatkeqësia e të gjithë shqiptarëve", Balliu: Veliaj dhe Rama pronarët faktikë të inceneratorëve

klevis balliu

TIRANË- Koordinatori rajonal në PD për Tiranën, Klevis Balliu ka mbajtur fjalën e tij në protestën para bashkisë së Tiranës. Balliu i cilësoi inceneratorët si" buka e Altin Dumanit" dhe fatkeqësia e shqiptarëve. 

Ai akuzoi sërish kryeministrin Edi Rama dhe kryebashkiakun Erion Veliaj si pronarët faktikë të inceneratorëve. Balliu tha se protesta nuk duhet të ndalet sepse qeveria merr çdo ditë para nga qytetarët dhe i fut në xhepin e vet. 

Balliu: Veliaj dhe Rama janë pronarët faktikë të inceneratorëve. Altin Dumani në vend që ti arrestojë i bën presion çdo personi që denoncon, sepse inceneratori është buka e Altin Dumanit. Por inceneratori është fatkeqësia e çdo shqiptari. Sot qytetarët kanë më pak para në xhep se paratë i ka marrë Veliaj, Rama, Xhacka dhe kriminelët.

SPAK në vend që të merret me Erion Veliaj, merret me liderin e opozitës. Pse? SPAK merret me liderin e opozitës sepse Sali Berisha kërcënon mafien e inceneratorëve, sepse Berisha dhe opozita kërcënojnë mafien e korrupsionit.

Nuk ka më arsye pse të mos protestojmë, duhet të dalim çdo ditë sepse kemi një qeveri të tërë që merr para nga qytetarët dhe i fut në xhep. Në kulmin e të gjitha akuzave, bashkia dhe Rama shkon dhe vazhdon krimin për të larguar qytetarët e lumit Lanë. Opozita është kundër vjedhjeve, opozita është kundër krimit dhe jo kundër zhvillimit të një zone. Ato zona janë të zhvilluara vetëm në kohën e PD. Me Ramën vetëm janë vjedhur qytetarët.

klevis balliu