I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
POLITIKE
"Buxheti 2025 për Shëndetësinë dhe Mbrojtjen Sociale tejkalon 1 mld euro!" Koçiu: Është më i madh ndonjëherë për sektorin, me rritje prej 5%
M.B.Përditësimi i fundit 13 Nëntor 2024, 10:11
TIRANA- Ministrja e Shëndetësisë dhe Mbrojtjes Sociale, Albana Koçiu ka deklaruar përmes një postimi në rrjetet sociale se buxheti për vitin 2025 për Shëndetësinë dhe Mbrojtjen Sociale tejkalon 1 miliard euro. Koçiu thotë se ky është buxheti më i madh i parashikuar për shëndetësinë, me një rritje prej 5% nga viti i kaluar.
Ajo shton se buxheti ka një fokus të fortë në tre shtylla kryesore si: mbulim universal për qytetarët, me reduktim kostosh, shërbime të zgjeruara dhe rritje aksesi në vendbanim; vlerësim i personelit shëndetësor përmes përmirësimit të kushteve dhe rritjes së pagave dhe investime historike për modernizim.
Sipas saj, në kujdesin parësor, parashikohen 7.6 milionë vizita teksa shton se vazhdojnë me rimbursimin për fishat e diabetit dhe barnat për 400 mijë qytetarë. Gjithashtu Koçiu thotë se në kujdesin dytësor, mbështesin trajtime jetësore, përfshirë transplantin e veshkave, dializën dhe paketën e fertilitetit për 150 familje të reja.
POSTIMI:
Buxheti 2025 për Shëndetësinë dhe Mbrojtjen Sociale tejkalon 1 miliard euro. Ky është buxheti më i madh ndonjëherë për sektorin, me rritje prej 5% nga viti i kaluar dhe një fokus të fortë në tre shtylla kryesore:
Mbulim universal për qytetarët, me reduktim kostosh, shërbime të zgjeruara dhe rritje aksesi në vendbanim. Financime për fëmijët në nevojë, personat me aftësi të kufizuara dhe kategoritë vulnerabël.
Vlerësim i personelit shëndetësor përmes përmirësimit të kushteve dhe rritjes së pagave.
Investime historike për modernizim: Ndërtime të reja, rikonstruksione në spitale dhe qendra shëndetësore anembanë vendit. Do të hapen kantiere të rëndësishme si ai i Spitalit Rajonal Korçë dhe rikonstruksioni i pavioneve kyçe në QSUT dhe spitalet rajonale.
Në kujdesin parësor, parashikojmë 7.6 milionë vizita dhe vazhdojmë me rimbursimin për fishat e diabetit dhe barnat për 400 mijë qytetarë. Në kujdesin dytësor, mbështesim trajtime jetësore, përfshirë transplantin e veshkave, dializën dhe paketën e fertilitetit për 150 familje të reja.
Në fushën e Mbrojtjes Sociale, mbështesim me ndihmë financiare 62 mijë familje me skemën e ndihmës ekonomike me vlerë 7.2 miliardë lekë.
Nga skema e Aftesisë së kufizuar do të përfitojnë 91 mijë e 240 qytetarë me AK me vlerë 15 miliardë lekë. Vijojmë mbeshtetjen për institucionet e përkujdesit social, për fëmijët, të moshuarit e shtresat në nevojë me një vlerë prej 1.3 miliardë lekësh.
Buxheti 2025 reflekton një angazhim të fortë për përmirësimin e shërbimeve shëndetësore dhe mbrojtjen sociale, duke garantuar një standard të denjë për të gjithë qytetarët tanë.
