Zjarri në zonën e Radostinës në Fier vijon të jetë aktiv me intensitet të lartë dhe situata raportohet e vështir&...
POLITIKE
Në Kuvend do të diskutohet buxheti 2025/ Opozita mban protestën e radhës më 19 nëntor para Parlamentit
r.llPërditësimi i fundit 12 Nëntor 2024, 21:41
pamje nga protesta e kaluar
TIRANË- Protesta e radhës e opozitës në kuadër të aksionin e saj për mosbindje civile, do të mbahet më 19 nëntor në orën 17:00. Sipas njoftimit, protesta do të mbahet para Parlamentit të Shqipërisë, dhe ora e nisjes do të jetë pak a shumë e njëjtë me orët e fundit të diskutimit dhe miratimit të buxhetit në parim.
“Ditën e martë datë 19 nëntor ora 17:00, të gjithë në protestë para Parlamentit për të kundërshtuar miratimin e buxhetit antiqytetar. Ju lutem bëni njoftimet në degë për të siguruar pjesëmarrjen”, thuhet në njoftim.
Pak ditë më parë kreu i grupit parlamentar të PD-së, Gazment Bardhi bëri me dije se do të marrin pjesë në seancën plenare ku do të diskutohet buxheti 2025. Sipas tij, kjo nuk do të thotë rikthim në një marrëdhënie të plotë normale me Kuvendin, por se opozita do të jetë përballë mazhorancës për të mbrojtur interesat e qytetarëve dhe pensionistëve. Ai u shpreh se aksioni i opozitës për zgjedhje të lira dhe aksioni i mosbindjes civile do të vazhdojë, por gjithashtu deputetët do të përmbushin edhe përgjegjësitë si përfaqësues të qytetarëve.
Ndërkohë protesta e fundit nga opozita u mbajt më 29 tetor në 6 rrethrrotullime kryesore të vendit. Protesta u mbajtën në kryqëzime nevralgjike për vendin, si tek Kthesa e Kamzës, rrethrrotullimi i Milotit, rrethrrotullimi i Shkozetit, rrethrrotullimi i Bradasheshit, rrethrrotullimi Rrogozhinë dhe rrethrrotullimi Levan.
