Deklarata e Ballukut për skandalin e mbetjeve toksike, ish-komandanti i Forcave të Armatosura: Dikush t'i marrë një avokat kur flet!

Belinda Balluku

TIRANA- Ish-komandanti i Forcave të Armatosura, Artur Meçollari ka reaguar me anë të një postimi në Facebook pas deklaratës së sotme të zëvendëskryeministres Belinda Balluku në lidhje me skandalin e mbetjeve toksike. Meçollari shkruan se Këshilli Drejtues i Autoritetit Portual Durrës me vendimin nr. 16, datë 21 dhjetor 2021 ka miratuar rregulloren për përpunimin e ngarkesave të rrezikshme në Portin e Durrësit.

Ai ka shtuar se Kodi IMDG (Kodi Ndërkombëtar i Mallrave të Rrezikshme Detare) është i detyrueshëm sipas Konventës Ndërkombëtare për Sigurinë e Jetës në Det (SOLAS) dhe Konventës Ndërkombëtare për Parandalimin e Ndotjes nga Anijet (MARPOL). Gjithashtu si kundërpërgjigje Meçollari vijon teksa shkruan se Kodi IMDG është i detyrueshëm në Portin e Durrësit dhe autoriteti i zbatimit të tij është Autoriteti Portual Durrës (APD).

POSTIMI I PLOTË:

Dikush duhet ti thotë Zv/KM dhe Ministres përgjegjëse për Portin e Durrësit Znj. Belinda Balluku, që të marri një avokat kur flet për mbetjet toksike që kaluan nga Porti i Durrësit.
Këshilli Drejtues i Autoritetit Portual Durrës me vendimin nr. 16, datë 21 dhjetor 2021 ka miratuar rregulloren për përpunimin e ngarkesave të rrezikshme në Portin e Durrësit.
Kodi IMDG (Kodi Ndërkombëtar i Mallrave të Rrezikshme Detare) është i detyrueshëm sipas Konventës Ndërkombëtare për Sigurinë e Jetës në Det (SOLAS) dhe Konventës Ndërkombëtare për Parandalimin e Ndotjes nga Anijet (MARPOL).
Kodi IMDG është i detyrueshëm në Portin e Durrësit dhe autoriteti i zbatimit të tij është Autoriteti Portual Durrës (APD).
Kodi IMDG është në fuqi në Portin e Durrësit pasi:
1) Shqipëria me ligji nr. 9594, datë 27.07.2006, ka aderuar në Konventën MARPOL.
2) Shqipëria me ligji nr. 9213, datë 1.4.2004, ka aderuar në Konventën SOLAS.
Detyrat e APD:
1. Zbatimi i legjislacionit kombëtar dhe ndërkombëtar për transportin e mallrave të rrezikshme.
2. Të udhëzojë të gjithë agjentët, përdoruesit/punonjësit/strukturat përgjegjëse të portit në përpunimin e mallrave të rrezikshme.
3. Dokumentimi i të gjithë procesit të ngarkesave të rrezikshme.
4. Pajisja e të gjithë punonjësve që merren me mallra të rrezikshme dhe pajisje sigurie ku kërkohet trajnim për përdorimin e tyre.
Klasifikimi i substancave (NGARKESAVE TE RREZIKSHME) sipas kodit IMDG (International Maritime Dangerous Goods Code)
Klasa 1 - Materialet dhe substancat shpërthyese.
Klasa 2 - Gazet e presuara dhe gazet e lengshme nën presion.
Klasa 3 - Materialet e lëngëshme me rrezikshmeri të lartë ndezje.
Klasa 4 - Materialet solide të ndezëshme, materiale dhe substanca që ndizen në mënyrë spontane ose me prekjen me të lehtë.
Klasa 5 - Materialet hidrokarbure dhe piroksidet organike.
Klasa 6 - Materialet toksike dhe ato infektuese.
Klasa 7 - Materialet radioaktive.
Klasa 8 - Materialet korrozive.
Klasa 9 - Materialet e rrezikshme që, nga përvoja, përdorimi e karakteri i tyre, mund të paraqesin rrezikshmëri për mjedisin dhe qëniet e gjalla.

artur mecollari