Dënimi me një vit burg ndaj Salianjit/ Hoti: Drejtësia e komanduar vulosi një hakmarrje

Elda Hoti

TIRANË- Deputetja demokrate Elda Hoti ka reaguar pasi Apeli vendosi të lërë në fuqi dënimin me një vit burg ndaj deputetit të PD Ervin Salianji. Hoti shkruan se Shqipërisë i është shembur çdo shtyllë që mban në këmbë një shtet demokratik, ndërsa thekson se sot drejtësia e komanduar vulosi një hakmarrje politike kundra deputetit Ervin Saljanji.

Gjithashtu deputetja shprehet se se Ervin Salianji u dënua për ti shtruar rrugën vjedhjes dhe manipulimit të zgjedhjeve të 2025 dhe sot u vulos shkalla më e lartë e sulmeve ndaj opozitës.

Reagimi i Plotë i Elda Hoti 

U dënua pse denoncoi lidhjet e qeverisë së Edi Ramës me krimin e organizuar. Ervin Salianji i cili ka spikatur me opozitarizmin e tij, sot i duhej jashtë politike Edi Rames. Preçedenti i rrëzikshëm, të godasësh kundërshtarin, pa asnjë fakt, pa asnjë prove duke përdorur gjykatat, është këmbanë alarmi për secilin prej nesh!

Ervin Salianji u dënua për ti shtruar rrugën vjedhjes dhe manipulimit të zgjedhjeve të 2025. Sot u vulos shkalla më e lartë e sulmeve ndaj opozitës. Për këtë fushatë Edi Rama, ka përdorur krimin e organizuar, ka përdour policinë, ka përdorur çdo instrument, tani po përdor drejtësinë politike. Është koha për reagim, kundra këtyre që kanë marr peng çdo institucion! Sot çdo qytetarë shqiptar është në rrezik. Shqipëria është në rrezik.

elda hoti