Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
POLITIKE
Denoncimi i Belind Këlliçit: Balluku hajdute seriale e parave publike! Janë zhdukur edhe dy ura panoramike
PiranjatPërditësimi i fundit 7 Nëntor 2025, 12:01
Deputeti i Partisë Demokratike, Belind Këlliçi ka denoncuar sot fakte të reja në lidhje me atë që opozita e quan aferë e tunelit të Llogarasë.
Në një dalje për mediat nga selia blu, deputeti demokrat u shpreh se 190 milionë euro investim në tunelin e Llogarase janë ndërtim pa leje.
Po ashtu, Belind Këlliçi tha se Belinda Balluku dhe Edi Rama janë jo vetëm hajdutë seriale të parave publike, por edhe prestigjatorë, pasi siç u shpreh ai “kanë zhdukur edhe dy ura panoramike të parashikuara në projekt”.
“Pak ditë më parë kam bërë publike lejen e ndërtimit, e cila ishte zbardhur më datë 28 maj 2025. Ajo leje fakton nën dritën e diellit se plot 190 milionë euro investim në Tunelin e Llogarasë, me paratë tuaja, është i gjithi një ndërtim pa leje.
Por Edi Rama dhe Belinda Balluku nuk janë vetëm hajdutë serialë të parave publike, por tashmë janë kthyer edhe në prestigjatorë. Kjo foto që po ju tregoj është projekti i Tunelit të Llogarasë, të cilin e keni paguar me taksat tuaja, plot 7 milionë euro të tjera.
Ndërkohë, në foton nr. 1 dhe foton nr. 2 mund të shihni fare qartë preventivat e kostos së ndërtimit të Tunelit të Llogarasë, ku janë parashikuar edhe këto dy ura.
Siç e shihni, bazuar në projekt dhe preventiv, do të duhej të kishim edhe dy ura panoramike në hyrje dhe dalje të tunelit, e meqenëse në gjuhën teknike këto janë “vepra arti”, ndërtimi i tyre e rriti me 25 milionë euro koston e ndërtimit. 25 milionë euro për ndërtimin e dy urave, të cilat në realitet nuk ekzistojnë.
Po, po, prestigjatori, piktori dështak që kemi në krye të qeverisë, zhduku jo vetëm dhjetëra miliona euro në këtë aferë, por zhduku edhe dy urat”, tha nder te tjera Këlliçi.
