Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
Dështimi i turizmit, Rama ia faturon fajin bizneseve: Çmime të kripura, shërbim i dobët!
PiranjatPërditësimi i fundit 4 Shtator 2025, 22:55
Kryeministri Edi Rama në Opinion ndaloi te turizmi, tema kryesore e verës. Shifrat tregojnë se në rastin më të mirë turizmi ka mbetur në vend pavarësisht pretendimeve të Ramës pak kohë më parë për 20 milionë vizitorë të ri për vendin.
Gjithsesi, Rama u shfaq i kënaqur me shifrat e vizitorëve, por pranoi se raporti shërbim–çmim mbetet problem madhor.
“Budallallëku i një pjese të sipërmarrësve është se vendosin çmime që nuk i përgjigjen shërbimit. Sot fitojnë, por pas tre vitesh do të qajnë,” deklaroi Rama, duke paralajmëruar se shumë biznese rrezikojnë falimentimin nëse nuk ndryshojnë modelin e tyre.
Kryeministri theksoi se një pjesë e investimeve janë bërë me kursime jetësore, por se sipërmarrësit po sillen sikur çdo ditë është e fundit, pa asnjë planifikim për të ardhmen. “Duhet të kuptojnë se janë në konkurrencë të madhe, jo vetëm me njëri-tjetrin, por edhe me Kroacinë, Italinë e Bullgarinë,” tha ai.
Megjithatë, Rama nuk mori mbi vete asnjë përgjegjësi institucionale për standardet e shërbimit apo për mbikëqyrjen e tregut, duke ia lënë barrën tërësisht sektorit privat. “Duan t’u lënë fëmijëve resorte që mbijetojnë, apo gërmadha që nuk i shkon njeri?”, pyeti ai sipërmarrësit.
