Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
POLITIKE
Dhunuan 33-vjeçarin pas një takimi elektoral në fshatin Ostren, Xhelal Mziu dhe nipi i tij referohen në SPAK
r.llPërditësimi i fundit 25 Prill 2025, 10:33
xhelal mziu, kalosh murra
BULQIZË- Komisariati i Policisë së Bulqizës ka referuar në Prokurorinë e Posaçme materialet për nisjen e hetimit ndaj deputetit Xhelal Mziu dhe nipit të tij.
Ata akuzohen se ditën e djeshme pas një takimi elektoral në fshatin Ostren kanë dhunuar 33-vjeçarin, Kalosh Murra, në ambientet e jashtme të njësisë administrative Ostren. Bëhet me dije se Murra mban detyrën e përgjegjesit të ndihmës ekonomike.
Xhelal Mziu është kandidat për deputet në listën e mbyllur të koalicionit "PD-Aleanca për Shqipërinë Madhështore" në qarkun e Dibrës.
NJOFTIMI I POLICISË:
Bulqizë/Specialistët për Hetimin e Krimeve të Komisariatit të Policisë Bulqizë referuan materialet në SPAK, për veprën penale "Kanosja apo dhunimi ndaj pjesëmarrësve në zgjedhje", për shtetasit Xh. M., 58 vjeç dhe E. M., 36 vjeç, xhaxha e nip, të dy banues në Tiranë, sepse rreth orës 13:00 të datës 24.04.2025, pas një takimi elektoral të zhvilluar nga subjekti politik “Partia Demokratike”, në fshatin Ostren, dyshohet se kanë goditur me grushte, shtetasin K. M., 33 vjeç, banues në Shupenzë, në ambientet e jashtme të njësisë administrative Ostren.
