Shqiptarët kanë një nivel konsumi individual shumë më të ulët se mesatarja europiane, por për ushqimet shpenzojnë...
POLITIKE
“Dikur arrestonte krerët e opozitës, sot mbron krimin me kamionë me dokumente”, Berisha: Lubia ka 300 apartamente, imagjinoni sa ka Rama
PiranjatPërditësimi i fundit 17 Shkurt 2026, 19:30
Kreu i PD Sali Berisha akuzoi kryeministrin Edi Rama dhe mazhorancën, se donin që ta shuanin opozitën me marrëveshje të fshehta dhe ta bënin njësh me pushtetin pas zgjedhjeve të 11 majit.
Ai deklaroi se me betejën e saj opozita faktoi farsën elektorale të Ramës dhe skandalet korruptive përpara syve të të gjithë botës.
Berisha vijoi akuzat ndaj Ramës duke thënë se dikur arrestonte liderët e opozitës, kurse tani fsheh kamionë me dokumente të abuzimeve që ka bërë, që të mbrohet nga drejtësia.
“Tani doli se njeriu që vraponte të arrestonte kundërshtarët politikë, tani me kamionë me dokumente vrapon që të mbrojë korrupsionin. Qeveria që vjedh qytetarët, nuk meriton të qëndrojë një ditë në pushtet. Në 1997 u thanë se qeveria mori paratë tuaja dhe qytetarët kërkonin paratë e tyre, ata e besuan se qeveria u kishte marrë paratë.
Por qëllimi dhe vendimi ishte ky, bashkëpunëtorë të mi u thashë, ne do dalim në opozitë, nuk pajtohemi me këtë, të dalim në opozitë dhe të faktojmë se nuk kemi vjedhur asnjë qindarkë. Qeveria nuk mund të shlyente kurrë një borxh që s’e kishte marrë, ajo ishte amorale, duhet të shkelja norma morale, s’mund të ndodhte kurrë. Po tani, këta janë kapur, kanë vjedhur”, bëri analogji politike kreu i opozitës para qytetarëve”, tha ai.
Kryetari i PD-së tha para mbështetësve se opozita tani ndodhet në betejë dhe në aktin final për rrëzimin e kësaj qeverie, edhe pse janë të dëshpëruar, të rraskapitur edhe të lodhur, por nuk do të dorëzohen.
“Ku jemi tani? Në situatën që këta kanë plaçkitur shqiptarët dhe thonë jemi mbi ligjin, drejtësia nuk ekziston dhe tani thotë janë minj, janë qenë, me gjuhë ordinere. Por ne, ja do vdesim e ja do rrojmë, këta do i nxjerrim nga pushteti. Këta nuk duhet të qëndrojnë asnjë ditë më shumë, jo, kanë humbur çdo të drejtë të qeverisin shqiptarët, janë armiq të kombit, e shkatërruan.
I kanë bërë të këqija këtij kombi, Rama dhe organizata e tij kriminale, jemi të lodhur, të rraskapitur, e pranoj, edhe të dëshpëruar, por nuk ka gëzim më të madh, është nder që në momente kritike të gjendesh në këto kohë, sot dhe ne jemi në betejën finale”, u shpreh ai.
Në fund Berisha paralajmëroi se do të sekuestrohen pasuritë e zyrtarëve dhe pushtetarëve të korruptuar, ndërsa do gjenden e do kapen kudo që të fshihen.
“Ua them unë ju, dhe këtë betejë ne do e fitojmë është e drejtë, asgjë s’do na pengojë ne pa u dhënë atë që meritojnë. Janë bërë miliarderë duke vjedhur shqiptarët, kanë zhytur shqiptarët në varfëri, i kanë larguar nga vendi. Të këqijat që kanë bërë do i paguajnë, beteja e kryengritja jonë është paqësore dhe vetëm paqësore. Ua them unë, siç kapëm Aldo Baret me shokë kudo që ishin fshehur ashtu do kapen edhe këta qeveritarë kudo që të fshihen. Një Agjenci e posaçme do krijohet për konfiskimin e pasurive të tyre. 300 apartamente Lubia, e imagjinoni juve? Paratë e rrugës aty i merrte kjo për apartamente atje. Dhe dihen vetëm kaq. Po Rama? Ka miliarda! 200 mln kishte vetëm si kryetar bashkie, e denoncoi raporti i OSBE”, tha ai.
