Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
POLITIKE
"Djalli fshihet në detaje"/ Ahmetaj: Formula për aeroportin e Vlorës e gabuar
PiranjatPërditësimi i fundit 27 Tetor 2025, 21:43
Ish-zv.kryeministri Arben Ahmetaj i pyetur për Aeroportin e Vlorës tha se formula është gabim pasi shteti nuk mund të ketë 100% në një PPP. Në një lidhje direkte në emisionin “Çim Peka Live” në Syri TV, Ahmetaj tha se aty po vidhet pasi kontrata është për 10 vite dhe tha se ka shumë detaje.
"Nuk kam punë me bizneset kam punë me pronarët faktikë të aeroportit të Vlorës. Formula është gabim, shteti nuk mund të marrë 100% në një PPP. Çfarë nevoje ke të ndërtosh një “Milano 2” në Vlorë? Propozimi im dhe i Damian Gjiknurit ka qenë një aeroport rajonal. Kjo është vjedhje për 10 vite, ka shumë detaje, djalli fshihet në detaje", tha Ahmetaj.
Ahmetaj ka folur edhe për arrestimin e kryebashkiakut Erion Veliaj, ku deklaroi se Rama e hoqi qafe ish-kryebashkiakun si një nga njerëzit që donte t’i zinte vendin. Duke u ndalur te inceneratorët, Ahmetaj deklaroi se nuk pendohet pse i kundërshtoi por pendohet vetëm për dashurinë vëllazërore ndaj Ramës.
“Rama, Veliajn e hoqi qafe si një nga ata që donte t’i zinte vendin. Dhe pastaj doli e qante, si ata që të vrasin dhe pastaj të qajnë. Ç’a nuk i kanë bëra familjes sime, e kanë shkatërruar. Nuk pendohem pse kam kundërshtuar inceneratorët. Pendohem pse kam pasur dashuri gati vëllazërore ndaj një njeriu që ka thikë në dorë për njerëzit rreth e rrothull”, deklaroi Ahmetaj.
