“Çdo banor edhe i porsalindur, ka një borxh prej 4611 euro”, Meta: Të çrrënjosim nepotizmin në Tatime e Dogana

Ilir Meta

TIRANA- Presidenti i Partisë së Lirisë Ilir Meta, në fjalën që mbajti në mbledhjen e Komitetit Drejtues Kombëtar të partisë së tij tha se Shqipëria ka sot pagat dhe pensionet më të ulëta në rajon dhe Europë. Meta tha se borxhi publik u rrit në 13.2 mld euro. Ai shtoi se çdo banor edhe i porsalindur, ka një borxh prej 4611 euro. Meta tha se prioritet për Partinë e Lirisë është investimi në arsim dhe kapitalin njerëzor si dhe çrrënjosja e nepotizmit në Tatime e Dogana.

“Nuk kemi kohë të pushojmë, nuk kemi kohë të ndryshkemi. Ne do të fitojmë dhe këtë do ta bëjmë me punë. Sot vendi ynë ka pagat e pensionet më të ulëta në rajon Rilindja ka shtuar barrën e borxhit. Borxhi publik u rrit në 13.2 mld euro. Çdo banor edhe i porsalindur, ka një borxh prej 4611 euro. Molla e Korçës është më lirë në Prishtinë se në Tiranë. Prioritet për Partinë e Lirisë është investimi në arsim dhe kapitalin njerëzor. Do të ndërtojmë një sistem fiskal të drejtë. Të çrrënjosim nepotizmin në Tatime e Dogana”, tha Meta.

ilir meta