Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
POLITIKE
"Do e respektoj masën e gjykatës" Kryemadhi: Na del edhe një motherfucker që e godet në kokë! Policia e Neritan Nallbatit, e rrëmbyen si kriminel!
r.llPërditësimi i fundit 22 Tetor 2024, 14:32
monika kryemadhi
TIRANË- Deputetja e PL-së, Monika Kryemadhi ka thënë sot në konferencë se do ta respektojë masë "detyrim paraqitje" të caktuar ndaj saj nga Gjykata e Posaçme.
Kryemadhi komentoi edhe momentin e arrestimit të ish-bashkëshortit të saj, Ilir Metës ku tha se u tërhoq zvarrë nga ato që i quajti policia e Neritan Nallbatit. Ndërsa në një moment të ndalimit të Metës, Kryemadhi tha se një "motherfucker" e goditi në kokë.
"Patjetër, do e respektoj masën (detyrim paraqitjeje). Kjo është edhe drejtësia e kastruar e Edi Ramës. Beteja nuk është te forca, por te argumenti. A ka qeveria argument për incenaratorin e Tiranës, po ndërtimi pa leje i hektarëve dhe kamionëve me dhera me miliona euro? Po pallatet ku pastrohen parat e drogës nga Spanja, Dubai etj.? Çfarë bën SPAK-u? Bashkon SPAK-u dosjen e CEZ-DIA në 5 vjet!
S’kanë argument dhe hajt t’i mbyllin gojën Ilir Metës, e ta fusin brenda, me një rrëmbim kriminal, siç bënë bandat e Shijakut dhe Durrësit. Njerëz dy metra të gjatë, me kapuç dhe kallash, e kë do kapnin? Ilir Meta nuk është kriminel. Kur e kanë kërkuar Ilir Metën e s’u ka vajtur. Kur i kanë thënë Ilirit të shkojë dhe nuk ka shkuar. Kur u ka thënë Ilir Meta jo atyre? Kush është Ilir Meta që e tërheqin ashtu? Na del edhe një motherfucker atje, që e godet në kokë! Kush është policia e Neritan Nallbatit që na bëka aksion?! Policia e grupit të Shijakut, e vezëve dhe miellit, që kontrollon portin e Durrësit dhe Policinë e Shtetit? Tentova unë të hap gojën për inceneratorin e Tiranës dhe s’u bë asgjë, vazhdojnë paratë e paguhen, mediat paguhen dhe s’bëhet asgjë.", tha Kryemadhi.
