Pas ditës së pestë të protestës studentore, kryeministri Edi Rama njoftoi se efektivët e angazhuar në protestë do të...
POLITIKE
DOKUMENTI/ Pretendime për konflikt interesi në Këshillin Bashkiak, kërkohet interpretim nga KQZ
PiranjatPërditësimi i fundit 21 Shkurt 2026, 10:52
Dega e Partia Demokratike e Shqipërisë në Pukë i është drejtuar zyrtarisht Komisioni Qendror i Zgjedhjeve (KQZ) për një interpretim ligjor lidhur me situatën e tre këshilltarëve bashkiakë, për të cilët pretendon se ndodhen në kushtet e konfliktit të interesit.
Sipas burimeve nga dega lokale e PD-së, dy prej këshilltarëve kanë bashkëshortet të punësuara në administratën e bashkisë, ndërsa një tjetër ka djalin në pozicion administrativ.
Opozita lokale pretendon se këta këshilltarë kanë marrë pjesë në vendimmarrje që prekin drejtpërdrejt administratën vendore, çka sipas saj përbën ndikim dhe cenim të standardeve të paanshmërisë.
Në kërkesën drejtuar KQZ-së, dega e PD-së kërkon sqarim nëse këta zyrtarë duhet të përjashtohen nga votimi në raste të caktuara dhe nëse situata përbën shkelje të ligjit për konfliktin e interesit.
Po ashtu, kërkohet orientim mbi hapat që duhet të ndiqen nëse konstatohet papajtueshmëri me funksionin.
Deri më tani nuk ka një reagim zyrtar nga këshilltarët e përmendur apo nga bashkia lidhur me pretendimet e ngritura.
Pritet që KQZ të shqyrtojë kërkesën dhe të japë një interpretim ligjor mbi çështjen në ditët në vijim.
