Teksa vendi ynë prej 53 ditësh po përballet me protesta masive, ku kërkohet dorëheqja e kryeministrit Edi Rama, mesazhi i arkitekti i...
POLITIKE
Dokumenti/ Si bëhen pazaret për tunelin e Llogarasë. Zbardhen komunikimet mes Belinda Ballukut dhe Evis Berberit
PiranjatPërditësimi i fundit 4 Nëntor 2025, 17:29
Kreu i Grupit Parlamentar të Partisë Demokratike, Gazment Bardhi, është shprehur i tronditur nga dosja penale ndaj zëvendëskryeministres Belinda Balluku, duke e akuzuar atë se e trajton shtetin si pronë private. Ai deklaroi se opozita do të bëjë transparencë të plotë për aferën korruptive që, sipas tij, tregon mënyrën si funksionon qeverisja e Edi Ramës. Bardhi theksoi se procedimi penal nga SPAK ka nisur mbi bazën e kallëzimit të PD-së dhe duhet të përfundojë me rikthimin e parave të korrupsionit në buxhetin e shtetit. Me ironi, ai shtoi se Belinda Balluku duhet të udhëheqë procesin e integrimit europian, për t’i treguar BE-së “si bëhet korrupsion në Shqipëri”.
Bardhi ka publikuar edhe një pjesë nga dosja e SPAK.
Në lidhje me këtë veprim të njësisë së prokurimit, nga akti i ekspertimit nr.195, datë 26.09.2024, të aparatit celular “Blackberry”, model “BBF100-6”, të sekuestruar shtetasit Evis Berberi, nga nxjerrja e të dhënave teknike kompjuterike që përmban ky aparat celular, kanë rezultuar komunikime ndërmjet shtetasit Evis Berberi dhe Belinda Balluku, si më poshtë:
Në datën 26.01.2021, në orën 12:25, shtetasja Belinda Balluku i dërgon shtetasit Evis Berberi mesazhin: “Një pyetje”. Në orën 12:25, Evis Berberi: “Po”. Në orën 12:26, Belinda Balluku: “Kemi ndryshuar ne tek tuneli eksperiencën e objekteve të ngjashme. Nga 5 vite ne 3???”. Në orën 12:26, Evis Berberi: “Kërkoi Pellumbi të jetë 3 nga 5 vitet e fundit”. Në orën 12:27, Belinda Balluku: “Po cne? Kush e bëri kërkesën e KPP?”. Në orën 12:27–12:31, Evis Berberi: “Në KPP çfarë kërkese është bërë. Te takimi që patëm ne dt 31 dhjetor me Arten dhe Pellumbin ai kërkoi që të jetë 3 nga 5 vitet e fundit. Sipas VKM eksperienca duhet kërkuar tre vite e fundit. Ndërkohë që ai se kishte dhe e lamë 3 nga 5 vitet e fundit. Po Arta me tha që e kishte diskutuar përpara takimit me Pellumbin këtë gjë me ty.
Reagimi i plotë i Bardhit:
I tronditur nga dosja penale e një Zëvendëskryeministri që e trajton shtetin si oborrin e shtëpisë. Opozita do të bëjë transparencë të plotë të aferës korruptive të Belinda Ballukut që tregon sesi funksionon shteti nën drejtimin e Edi Ramës. Ndjehem krenar që aferat e kësaj Qeverie, grupi ynë parlamentar jo vetëm i denoncon publikisht, por edhe institucionalisht në SPAK.
Procedimi penal nr. 181, viti 2024, që ka nisur mbi bazën e kallëzimit tonë, nuk do të jetë kurrë i plotë nëse paratë e korrupsionit nuk kthehen në Buxhetin e Shtetit.
P.s: E pandehura Belinda Balluku mendoj se duhet të udhëheq procesin e integrimit europian. Me atë rast, i tregon edhe BE sesi mund të bëjnë korrupsion dhe sesi mund ti ndajnë tenderat për qoka pushteti.
