Dosja ish-kompleksi Partizani/ Jamarber Malltezi: Ja si mashtron SPAK kur thotë se kryetar i KRRT-së ishte Berisha kur në fakt ishte Rama

TIRANA- Dhëndëri i kreut të Partisë Demokratike Sali Berisha, Jamarbër Malltezi ka bërë një sqarim në lidhje me dosjen kundër tij për privatizimin e kompleksit Partizani. Me anë të një postimi në Facebook, Malltezi ka vijuar të denoncojë akuzat false të sajuara sipas tij nën urdhrat politike të SPAK. Malltezi shkruan krahas videos ku shpjegon "mashtrimet", sipas tij, se çdo ditë do nxjerrë nga një mashtrim për të treguar qartë se nuk është padi, por urdhër politik që ka çuar në fshehje dokumentesh. Një ndër pikat e dosjes ku është ndalur sot Malltezi është ndryshimi i zonave sportive në zona banimi.

"Le të shohim një nga sagmat e tjera të mashtrimeve që ka bërë SPAK-u, për shembull lidhur me ndryshimin e destinacionit nga zonë sportive në zonë banimi në 2006. Sipas SPAK, kemi një kontratë pronar-ndërtues, më 22.05.2006 për ndërrimin e këtij destinacioni ku ndërtuesi merr për sipër ndërrimin e destinacionit. Mesa dimë, lejet e ndërtimit i jepte Edi Rama, por megjithatë, thotë se kjo është ndryshuar nga kryetari i KRRT-së, Sali Berisha, gjë që është gënjeshtër në vetëvete sepse kryetari i KRRT-së ka qenë Edi Rama.

Nejse, gjithsesi thotë se më 21.11.2006 kur është mbledhja e KRRT-së, pra në thelb SPAK, shërbëtorët e Edi Ramës thotë se ka një kontratë pronar-dërtues, ku ndërtuesi merr përsipër ndryshimin e destinacionit dhe ky ndryshim destinacioni nga maji është zhvilluar në nëntor, por është shumë interesante, po të kthehmi pak dy javë pas datës pronar-ndërtues do të shohim se në thelb kemi një mbledhje KRRT-je të Edi Ramës që mban numrin 132 me datë 08.06.2006 në të cilën Edi Rama ka ndryshuar disa zona sportive në zona banimi", thotë Malltezi ndër të tjera në denoncimin e tij.

jamarber malltezi