Drejtuesit politikë në listat e mbyllura, Rama: Vendimin për veten time nuk e kam marrë akoma, mund të mos jem fare në listë

edi rama

TIRANË- Kryeministri Edi Rama në mbledhjen e grupit parlamentar të Partisë Socialiste deklaroi se në listat e hapura do të ketë plot të rinj dhe të reja. Lidhur me drejtuesit politike, Rama tha se e kishte shprehur që ata të jenë listat e hapura por sipas tij kjo nuk do të lejonte barazi shansesh në garë. Kështu që la të nënkuptohej se drejtuesit politikë do të jenë në lista e mbyllura, sipas tij për një hapësirë të barabartë sipas tij për deputetët në garë. 

Ai u shpreh më tej se një vendim nuk ishte marrë ende dhe për veten e tij, ndërsa shtoi se mund të mos jetë fare në listë. Po ashtu bëri më dije se edhe deputetet që kanë një mandat do të jenë në listat e hapura. 

"Diskutimi ka qenë unë e kam shprehur dhe kam thënë, që drejtuesit duhet të jenë në listën e hapur. Problemi më duket se ka argumenti im, është që do çorodiste gjithë procesin se nuk do të lejonte as një barazi shansesh në garë dhje nga ana tjetër, nuk do të garantonte asnjë lloj drejtimi të vërtetë politik të ndeshjes nga ana jonë. Pasi drejtuesit politikë do ishin të fokusuar për të marrë vota për vete me një status më të veçantë do të krijonin pabarazi dhe do çorientohej gjithë skuadra.

Drejtuesit politikë duhet të garantojnë që të gjithë deputetët që janë në garë të kenë hapësirë të barabartë, sa më të barabartë. Nuk besoj kurrë që asnjë drejtues politik mund të futet në preferenca se për kë duhet të votojnë anëtarët e PS dhe qytetarët. Kjo është e padiskutueshme.

E vetmja gjë vlen edhe në rastin tim. Nuk e kam pasur idenë se pse unë duhet të jem në atë kuvend si deputet për sa kohë e kam këtë detyrë. Nga ana tjetër do ishte prap një hyrje në hak ndaj të tjerëve , të vendosja emri im të vinin votat dhe të çorientoheshin njerëzit. Kush është në listën e hapur duhet të jetë në garë të barabartë. Vendimin për veten se kam marrë, mund të mos jem faree dhe në listë, mund të jem deputet i të gjithëve për detyrë që kam, duke mos u zënë vendin askujt. Kjo është pak a shumë pamja sot. Sa i takon deputeteve, po shkojmë drejt të njëjtit princip. Deputetet që kanë 1 mandat, do jenë në fushë.", tha Rama. 

edi rama