"Duhet rotacion politik"/ Sula: Krimi dhe korrupsioni është kalcifikuar me mazhorancën!

Dashnor Sula

TIRANË- Deputeti i Partisë Demokratike Dashnor Sula, tha se është për të ardhur keq se në dorën e kujt ka përfunduar qeverisja e vendit. Sula i ftuar në A Show në Syri Tv, me Adi Krastën, tha se është e pafalshme që në onkologjik të mungojë pajisja që gjurmon avancimin e sëmundjeve tumorale.

Sula teksa iu referua lidhjeve të qeverisë me aferën e incineratorëve, tha se të implikuarit në djegësin e Tiranës nuk do të mund t’i shpëtojnë dot llogaridhënies dhe përgjegjësisë ligjore. Sipas tij, krimi dhe korrupsioni është kalcifikuar me këtë mazhoranca dhe e sheh të nevojshëm, rotacionin politik në Shqipëri.

"Sot jam ndjerë aq keq, kur bëmë amendamentet, për të dhënë bonus çdo pranverë e vjeshtë. Edhe kjo e onkologjikut, jemi i vertmi vend që s’kemi aparatin për të sëmurët tumoralë. Petskanerin, nuk e kemi, pajisje që sheh avancimin e sëmundjes. Te privati është mbi 1 mijë euro. Zero, amendamentet tonat, u hodhën poshtë. Opozita paguan taksat, lekët e popullit opozitar do t’i dërgojë ku do Rama. Të bësh para me sëmundjet tumorale, është e tmerrshme. Për mua kanë humbur arsyen, nuk jetojnë në këtë botë reale. Kanë humbur gjithçka. Është për të ardhur keq.

Arsimi, janë 2750 raste dhune e sherresh në shkolla përgjatë 2024. Janë 60 mijë fëmijë të ngacmuar seksualisht sipas të dhënave, në platformat on line. Ne kërkuam shtimin e psikologëve, dhe në fshat nuk funksionon fare psikologu. Kanë dhënë 25 mln euro vetëm për qeverinë, ndërsa ministri i Financave thoshte që s’kemi para. Është si puna e biznesit në familje. Po i çove paratë për bixhoz e alkhool, mbaroi buxheti. Duhet të dish ku t’i adresosh. Para ka, po ku i çon?

Jam besimplotë që rruga s’ka kthim për persona të caktuar për incineratorët. Ua kam thënë para dy vitesh që janë ‘varr i hapur për ju’, dhe ‘Ben Ahmetaj do jetë makthi juaj’. Nuk ka shans të shpëtojë, kanë lënë gjurmë, kanë firmosur. Sa do probleme dhe gjynahe të ketë opozita, s’mund të krahasohet me këtë mazhorancë të sotme. Është kalcifikuar me krimin dhe korrupsionin, nëse vijon edhe pas 2025 ka mbaru ky vend. Ka nevojë për rotacion," tha Sula. 

dashnor sula