"Duhet të duash, qytetin tënd, shtetin tënd dhe familjen tënde", Balliu: Ky pushtet nuk thjesht kundër një partia, por është kundër çdo familjeje shqiptare

Klevis Balliu

TIRANA- Ish-deputeti i Partisë Demokratike, Klevis Balliu në fjalën e tij sot në protestën para Bashkisë së Tiranës u shpreh se për të kuptuar këtë qëndresë, duhet të duash qytetin, shtetin e familjen tënde. Balliu tha se institucioni i familjes po shkatërrohet në Shqipëri. Sipas tij 94 mijë banesa të regjistruara të banueshme janë vetëm me një person dhe 240 banesa janë sot vetëm me dy persona sepse në vend është e pamundur të krijosh familje.

"Përshëndetje, miq, qytetarë! Kjo qëndresë e cila mund të habisë shumë nga këta që punojnë në bashki, që pyesin veten si ka mundësi këta qytetarë vazhdojnë dhe qëndrojnë pavarësisht gjithçkaje që po bën ky pushtet, për të mbytur protestën. Të kuptosh këtë qëndresë, duhet të duash, qytetin tënd, shtetin tënd dhe familjen tënde.

Ata që protestojnë për vlera dhe parime janë njerëz që energjinë e tyre e marrin nga dashuria për familjen dhe mbrojtjen e atij institucioni të bekuar. Institucion që ky pushtet kërkon ta zhbëjë. Po ju jap dy fakte. A e dini që me këtë pushtet 94 mijë banesa të regjistruara të banueshme janë vetëm me një person dhe 240 banesa janë sot vetëm me dy persona, pse? Sepse sot është e pamundur të krijosh familje në Shqipëri. Një në 5 persona në Shqipëri është mbi 65 vjeç.

Ky pushtet nuk thjesht kundër një partia, por është kundër cdo familjeje shqiptare. A i keni parë lajmet. 1 mijë ton mbetje toksike ikin dhe vijnë në Shqipërinë tonë. I sjellin dhe i cojnë bizneset e këtij këtu, sepse ky e shikon Shqipërinë si një kompani personale, që mund ta përdori si një kanal toksik për mbetet e të gjithë botës, mjafton që ky të fusë lekët në xhep", tha Balliu.

klevis balliu