Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Dy italianë që hiqen si deputetë vijnë të takojnë Veliajn në paraburgim, por nuk lejohen! Çfarë fshihet rreth arsyes së vizitës në Durrës?
M.B.Përditësimi i fundit 27 Shkurt 2025, 20:04
DURRËS- Dy politikanë të profilit të ulët të së djathtës italiane Lorenzo Grassini dhe Roberto Berardi, raportohet se kanë tetuar dhe nuk janë lejuar sot që të vizitojnë në paraburgim kryebashkiakun e Tiranës, Erion Veliajn. Mediat pranë qeverisë i paraqitën Grassini-n dhe Berardi-n si senatorë dhe edhe politikanë të lartë në vendin fqinj, por e vërteta nuk qëndron aspak kështu.
Natyrshëm lind pyetja, kush janë ata?! Grassin-i ka dështuar në zgjedhjet për Parlamentin Europian e ndërsa Beradi-i ka qenë 4 vjet senator dhe më pas ka humbur. Veç manipulimit të posteve e titujve të tyre, misteri qëndron dhe te fakti se përse dy italianët e së djathës mbërritën në Shqipëri për të takuar një politikan të paraburgosur të së majtës.
Ndërkohë, ata kanë publikuar në rrjetet e tyre sociale një mesazh mbështetës për Veliajn, ku kanë shprehur keqardhjen për faktin se nuk i kanë lejuar ta takojnë në burgun e Durrësit, por edhe kanë shprehur shqetësimin, sipas tyre, se drejtësia në Shqipëri nuk do të kthehet si në epokën e errët të Tangentopoli-t në Itali.
“Jemi në Durrës, së bashku me deputetin Berardi, për t’iu gjendur pranë kryebashkiakut të Tiranës, për të parë kushtet e tij në burg. Në këtë moment ai gjendet i izoluar brenda kësaj ndërtese. Fatkeqësisht nuk na u lejua hyrja. Na rezervuan një pritje shumë të sjellshme, por urdhëri është për të mos lejuar të hyjë asnjë tjetër, përveç familjarëve. Fatkeqësisht, ashtu siç ka ndodhur edhe tek ne, në Itali, paraburgimi është kthyer në një problem, sepse shumë njerëz të politikës burgosen në mënyrë paraprake, për të arritur në disa zgjidhje që sot për sot, nuk na rezultojnë.
“Forza Italia” është gjithmonë në favor të garancisë. Pra, në favor të kujtdo që do të duhet të provojë, deri në gjykimin e madh final, pafajësinë e tij. Do të shohim si do të shkojë. Sigurisht, kjo rrjedhë që po merr sot është shumë e ngjashme me atë tonën, në periudhën e Tangentopoli. Shpresojmë që Shqipëria të mos kalojë një situatë të tillë të errët”, tha Lorenzo Grassini.
“Jemi kundër paraburgimit. Këtu duket sikur jemi kthyer në kohët e Tangentopoli-t, kur abuzohej me paraburgimin. Pa folur pastaj, për atë çka mund t’i shkaktojë personit, i cili më pas mund të rezultojë edhe i pafajshëm, e që mund të mos ketë kryer asnjë vepër. Këto janë plagë që ngelin gjatë, përgjatë gjithë jetës. Po, duhet bërë drejtësi, por drejtësi të drejtë. Ne jemi garantues, pra për një drejtësi të drejtë. Deri në një provë të kundërt, të gjithë jemi të pafajshëm”, tha Roberto Berardi.
