Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"I kemi hequr pushtetit politik duart nga drejtësia "/ Rama: Kemi dashur një drejtësi të pavarur që të luftojë edhe me hajdutët brenda nesh
b.zPërditësimi i fundit 27 Shkurt 2025, 18:29
Edi Rama
TIRANË - Kreyministri Edi Rama gjatë takimit me asambletë socialiste të Tiranë u ndal edhe puna e Partisë Socialiste gjatë këtyre viteve si dhe te drejtësia e pavarur. Kreu i qeverisë u shpreh se PS sipas tij ka mbajtur premtimet që ka bërë, ndërsa thotë se një ndër gjërat për të cilat kjo forcë politike është krenare është pikërisht lufta kundër korrupsionit.
Rama thotë se PS i ka hequr pushtetit politik duart nga drejtësia, dhe kjo sipas tij është bërë me qëllim që drejtësia e pavarur të luftojë me hajdutët edhe brenda kësja force politike.
Rama:Kemi ndërtuar 53 spitale, 400 qendra shëndetësore dhe ambulanca, 450 shkolla dhe objekte sportive, janë volume të mëdha pune dhe ndryshimi. Askush nuk e ka thënë që në vitin 2025 do të kemi pagën 930 euro në sektorin publik. As ne nuk e kemi parashikuar për vitin 2024 dhe faktikisht e kemi arritur si rezultat i gjithë ndryshimeve dhe zhvillimit që ka ndodhur. Duhet të jeni shumë krenar për gjithçka që ka të bëjë me luftën kundër korrupsionit. Çdo kush që ka votuar për këtë parti duhet të jetë krenar pasi pa këtë parti sdo ndodhnin ato që kanë ndodhur. Këto janë zgjedhjet themelore për historinë e Shqipërisë. I kemi hequr pushtetit politik duart nga drejtësia sepse kemi dashur që të kemi një drejtësi të pavarur që të luftojë me hajdutët edhe brenda nesh.
