Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
Dy standartet e Ramës/ Asnjë koment për arrestimin barbarbar të Metës, por sulmoi SPAK për shoqërimin e Veliajt (VIDEO)
I.APërditësimi i fundit 12 Shkurt 2025, 21:34
TIRANË- Pamjet e mëposhtme tregojnë shumë mirë dy standartet që ndiqet me drejtësinë në Shqipëri. Në momentin e parë është arrestimi i ish-Presidentit Ilir Meta, i cili është vënë në pranga në mënyrë barbare dhe me dhunë në një nga zonat më të populluara të Tiranës, siç është mbikalimi i Casa Italia.
Në atë kohë kur u pyet në lidhje me arrestimin në atë lloj mënyrë, Rama refuzoi që të komentonte, duke e quajtur Metën, një subjekt me të cilin merret drejtësia.
"Nuk kam asnjë koment. është një subjekt me të cilin merret drejtësia", tha Rama kur u pyet nga Blendi Fevziu.
Ndërkohë që për shoqërimin e Veliajt dy ditë më parë, në mënyrë paqësore dhe pa pranga në duar, Rama ka nisur një sulm të rëndomë kundrejt SPAK dhe GJKKO-së. Ditën e sotme, Rama hapur fare ka marrë në mbrojtje kryebashkiakun e arrestuar Erion Veliaj si dhe deputeten socialiste Klotilda Bushka e cila ndodhet nën hetim për pengim të punës së drejtësisë, por duke sulmuar haptazi SPAK dhe GJKKO-në.
"Kur futesh atje je në një republikë tjetër atje. Nuk je qytetar por je mish që mund të shqyhesh sipas oreksit të njërit apo tjetrit," tha Rama.
Rama nisi dhe sulme personale ndaj prokurorëve dhe gjyqtarëve të çështjes Veliaj, duke i quajtur ato ekstremisë të Partisë Demokratike. Rama vijoj akuzat ndaj tyre duke deklaruar se pikërisht këta prokurorë e gjyqtarë kanë firmosur vendime ekstreme ndaj të zgjedhurve të PS-së.
"Gjyqtarët e tjerë nuk kanë pranuar. Ky caktoi arrest me burg. Ky gjyqtar e ka nisur karrierën si koleg zyre… me këtë emrin nuk po e them kur ishte në Ministri të Drejtësisë, kur ministër ishte Eduard Halimi. Ky dhe një tjetër i njohur si esktremist i djathtë, kanë kaluar më shumë çështje që lidhen me PS, duke kërkuar masa deri në ekstrem," tha Rama.
Por siç shihet dhe nga videoja e mësipërme, standarti i paanshmërisë së drejtësisë nga Rama është vetëm kur prek kundërshtarët e tij. Ndërkohë që kur preken socialistët, SPAK nuk është më një institucion i paanshëm, por një armë që godet aleatët e tij.
