Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
POLITIKE
"E ke gjysmën e qeverisë në burg"/ Rama ironizon Berishën nga Milano: Jemi më krenar se asnjëherë më parë, nuk e ulim kokën! Bufi do të kthej Shqipërinë në gropën e tij
m.lPërditësimi i fundit 13 Prill 2025, 17:01
ITALI- Kryeminstri Edi Rama, gjatë fjalës së tij në takimin me diasporën në Milano ka ironizuar Berishën duke përmendur se i kanë thënë që kemi gjysmën e qeverisë në burg ama e vërteta është krejt ndryshe. Rama tha edhe pse kemi pasur disa ministra e kryetarë bashkie por edhe pse disa janë gjetur me probleme, nga drejtësia që sipas tij e krijuan vetë, kjo nuk është për të ulur kokën.
Rama vazhdoi më tej duke akuzuar Kryetarin e PD-së qe do të kthej dhe njëherë Shqipërinë në gropën e tij vetëm për hallet e veta. Kryeministri u kërkoi votën shqipatrëve duke thënë se nuk do të jetë thjesht një votë për Partinë Socialiste por do t'i japë Shqipërisë mundësinë drejt objektivit të anëtarësimit në Bashkimin Europian.
"I keni dëgjuar këta tek thonë se si guxojnë të kërkojnë votën kur e kanë gjysmën e qeverisë në burg, por e vërteta është krejt ndryshe. Së pari, në këto vite, ne kemi pasur mbi 60 ministra e qindra kryetarë bashkie e komune, dhe nëse disa jenë gjetur me probleme me drejtësinë që ne krijuam me vullnetin tonë të lirë, nuk do të thotë që të ulim kokën, por të jemi më krenarë se asnjëherë tjetër. Ata janë këneta që jo vetëm asnjë njëherë nuk i kanë lënë drejtësinë të tonë fjalën e vetë, por ajo këneta ka marrë edhe jetë njerëzit të pafajshëm…Sot duan të kthehen sërish, sepse bufi do të kthej Shqipërinë në gropën e tij, dhe vetëm për hallin e tij.
Këtë mesazh ta marrin sa më shumë shqiptare, nuk bëhet fjalë për pushtetin tonë, për të marrë një votë më shumë se sa këneta, se kjo është më e thjeshta që mund të bëjmë, por për ti dhënë Shqipërisë mundësin vetëm vrapojë drejt objektivit dhe të anëtarësohet. Vetëm ne mund ta mbrojmë drejtësinë nga ofensiva e bufit dhe mushkonjave që përbetohen se do ta shkrijnë SPAK, e vërteta është se ata në 12 maj thjeshtë dhe vetëm do prezantohen me Noc Rrokun…" tha Rama.
