Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Erisa Xhixho: Sistemi i drejtësisë në kolaps, mbyllje masive e gjykatave
PiranjatPërditësimi i fundit 10 Tetor 2025, 09:23
Zëvendëspresidentja e Partisë së Lirisë, Erisa Xhixho, nga një postim në rrjetet sociale, ka deklaruar se sistemi i drejtësisë në Shqipëri është në një gjendje të vështirë dhe se qytetarët shqiptarë kanë humbur besimin në të. Sipas saj, më shumë se 90% e shqiptarëve nuk janë në gjendje të marrin shërbim nga ky sistem dhe se kjo situatë është alarmante pas disa vitesh nga fillimi i reformës në drejtësi.
Xhixho shprehet më tej se, përkundër premtimeve për reforma dhe përmirësim të shërbimeve gjyqësore, sistemi ka vazhduar të jetë i paaftë për t'u shërbyer qytetarëve.
Erisa Xhixho:
Sistemi i drejtësisë në kolaps! Shqiptarët e kanë humbur besimin te drejtësia sepse ajo nuk funksionon. Sot, mbi 90% e qytetarëve nuk arrijnë të marrin shërbim nga sistemi gjyqësor. Është alarmante që disa vite pas fillimit të reformës në drejtësi, nuk kemi ende një sistem funksional, që t’i shërbejë qytetarit. Harta e re gjyqësore – dështim i paralajmëruar: Që në fillim e kemi kundërshtuar këtë hartë. Ajo jo vetëm nuk zgjidhi problemet, por i thelloi ato. Sot, kemi: Mbyllje masive të gjykatave – 18 gjykata të mbyllura në total, përfshirë edhe të Apelit në rrethe. Dosjet e Apelit janë përqendruar në një gjykatë të vetme në Tiranë. Nuk u mor asnjë masë për infrastrukturën apo për shtimin e gjyqtarëve. Sa gjyqtarë kemi për çdo 100 mijë banorë? Shqipëria: 9.8 Kosova: 24.1 Maqedonia: 22.3 Bosnje: 29.0 Mali i Zi: 42.4 Serbia: 39.1 Mesatarja europiane: 21.9 Jemi në fund të listës në Europë dhe rajon! Stoku i dosjeve – rekord negativ: • 200,000 çështje janë në pritje për t’u shqyrtuar nga vetëm 267 gjyqtarë. • Një proces mund të zgjasë deri 12–15 vjet për të kaluar tri shkallët. Dëmi: 39 MILIONË € në 9 vite për Shqipërinë nga gjykata e Strasbugut Për: – Shkelje të të drejtave të njeriut – Zvarritje procesesh – Moszbatim vendimesh – Shkelje të të drejtës së pronës Kjo është drejtësia që i mohohet qytetarit të zakonshëm, që shpesh ndërron jetë pa marrë drejtësi. Reforma në drejtësi nuk e arriti qëllimin e saj: një drejtësi të shpejtë, të drejtë dhe me integritet. Para së gjithash, duhen të kuptojmë shkaqet që kanë sjellë këtë situatë kolapsi në sistemin e drejtësisë, në mënyrë që ta zgjidhim për ta vënë atë në shërbim të qytetarëve.
