"Fërkime dhe keqkuptime me Greqinë", Spiropali nga Athina: Koha për Shqipërinë dhe shqiptarët ka ndryshuar

Elisa Spiropali

ATHINA- Ministrja e Shtetit për Marrëdhëniet me Parlamentin, Elisa Spiropali në fjalën e saj para emigrantëve në Athinë kujtoi kohën kur shqiptarët shkuan në Greqi në fillimet e demokracisë dhe u pritën nga greket. Ajo tha se koha për shqiptarët dhe Shqipërinë ka ndryshuar. Spiropali iu drejtua emigrantëve duke u thënë se ata e bënë Shqipërinë më të madhe dhe më të fortë.

"Sa herë vë këmbën në Greqi më vjen në mendje kur perdja e hekurt e komunizmit ra. Papritur kuptuam se ishim të varfër dhe të pa ngrenë, ishim të vetëm në një botë të madhe. Atëherë Greqia, fqinji ynë shekullor u shfaq pas asaj perde që rusej si toka e parë. Krah grekësh fisnik e zemërgjerë ndanë me ne bukë e kripë.

Fërkime dhe keqkuptime, mëri të vjetra në kufirin dikur të heshtur mes dy vendeve nisën  të riluajnë si në një pllakë gramafoni kërcitje të forta. Sot ajo pllakë gramafoni vazhdon të rrotullohet, por kërcitjet e gjilpërës se gramafonit nuk i kalojnë dot korridoret e politikes së ditës. Sa shumë ka ndryshuar koha e shqiptarëve dhe Shqipërisë. Ju e keni bërë Shqipërinë më të madhe dhe më të fortë", tha Spiropali.

elisa spiropali