Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Protestat te Bashkia/ Berisha - Veliajt: Tik-taku i orës po shënon fundin tënd!
b.zPërditësimi i fundit 11 Maj 2024, 21:11
Sali Berisha
TIRANË - “Erion Veliaj, tik-taku i orës po shënon fundin tënd”,- kjo ka qënë thirrja e kreut të PD-së, Sali Berisha drejtuar kryebashkiakut Erion Veliaj, referuar skandaleve që kanë përfshirë Bashkinë e drejtuar nga ky i fundit.
Gjatë fjalës së tij për të pranishmit në tubimin qytetar, Berisha ka deklaruar se protestat e mbajtura te Bashkia e Tiranës ku kërkohet dorëheqja e Veliajt, janë betejë sipas tij për një të ardhme më të mirë.
Pjesë nga fjala e Berishës:
Ndaj miqtë e mi, kjo betejë e idealeve, e shpresës dhe të ardhmes, është betejë për çdo shqiptar kudo që ndodhet, nga Afrika e Jugut në Polin e Veriut. Është betejë për të shndërruar Shqipërinë në tokën e të gjithë shqiptarëve kudo që janë. Është betejë për të bërë diasporën tonë krenare me Shqipërinë, emrin e saj, historinë e saj.
Është betejë për t’i çelur dyert diasporës tonë të votojë siç voton me miliardat euro që dërgon në këtë vend. Të votojë me vullnetin e vet, aty nga ku është larguar, në qytetin e tij, me postë, kudo që të ndodhet, në çdo skaj të planetit të ketë të drejtë të votojë si qytetar i këtij vendi, si shqiptar i vërtetë, të votojë për fatin e tij në Shqipëri, për fatin e Shqipërisë. Ndaj dhe këtu, në emër tuaj, në emër të shqiptarëve opozitarë kudo që janë, i bëj të ditur Edi Ramës se qeveria teknike dhe vota e diasporës janë kushti i të gjitha kushteve që shqiptarëve që të bëjnë zgjedhje të lira.
Mjerë ti po mendove, po guxove t’i pengosh! Erion Veliaj, tik-taku i orës po shënon fundin tënd. Fundin më të turpshëm të një zyrtari në të gjithë historinë e kontinentit. Erion, e nise karrierën si 99-sh dhe si 99-sh do përfundosh.
Në shtyllën e turpit, në sheshin Skënderbej do varesh në shtyllën e turpit, me germa të zeza do gdhendet emri yt. O qenie pa shpirt, pa moral, pa karakter, pa nder, pa dinjitet. Largohu, mos e prit popullin se zemërimi i tij do të të mjerojë. Edhe njëherë u përshëndes, ftoj të gjithë qytetarët ditën e martë në ora 11.00. Tek bashkia na pret fitorja, na pret beteja, na pret e ardhmja. Rrofshi ju, rroftë opozita shqiptare, rroftë populli shqiptar, rroftë Shqipëria.
