Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
“Florjan Binaj, kandidaturë që e ribën fushën e shahut”, Flavio Qarri: Një hajdute apo një qytetar model? Zgjidhni!
PiranjatPërditësimi i fundit 6 Tetor 2025, 14:35
Gazetari i “Syri TV”, Flavio Qarri, ka shprehur publikisht mbështetjen e tij për aktorin dhe moderatorin e mirënjohur, Florjan Binaj në kandidimin e tij për zgjedhjet në Bashkinë e Tiranës.
Përmes rrjeteve sociale ai ka bërë një publikim ku thekson se kandidatura e Florjan Binajt e “ribën fushën e shahur”.
Sipas Qarrit emri i “Florit” e detyron mazhorancën që të jetë nën presion më të madh për një proces disi më të rregullt “se pak e vështirë të besosh se një hajdute me jetë shqiptarësh në ndërgjegje parapëlqehet më shumë se një qytetar model”.
“Një kandidaturë që e ribën fushën e shahut
Emri i Florjan Binaj është tanimë zyrtar. Ndjesitë janë të shumta në çdo kamp. Edhe nga brenda PD ata që pretendonin tani duhet të mendoj për të mirën më të madhe dhe të fillojnë nga puna për të dhënë kontribut. U ngopën besoj me shkopa nën rrota njëri tjetrit edhe në zgjedhjet e fundit. Gjithashtu emri i Florit e detyron mazhorancën të jetë nën një presion më të madh për një proces disi më të rregullt se pak e vështirë të besosh se një hajdute me jetë shqiptarësh në ndërgjegje parapëlqehet më shumë se një qytetar model.
Adriatik Lapaj hyri në negociatat opozitare si më i disavantazhuar. Më i vogël. Mbështetja e tij pa radhë ndaj Binajt e bëri atë të tejkalojë ndodhinë e post 11 Majit dhe sigurisht të lërë barrën e rëndë të provës të asaj paçavureje verore Endri Shabanit. Tregoi që mund të tejkalojë veten dhe mos të mbyllet në vogëlsi as të ndonjë inati personal ndaj ish bashkëudhëtarit të djeshëm.
Shehaj deri në këto momente edhe pse flamurtar i kandidatit apartiak (apolitik është koncept idiot) duket se është gjendur i papërgatitur çka ekspozon mundësinë e skenarëve të paramenduar nga ai për emrin dhe influencën më pas ndaj PD.
Mërzitja e gazetarëve të lalit që punojnë part time dhe për Edin ose anasjelltas tregon një shqetësim të madh për dikë që nuk e akuzojnë dot për asgjë por as e bullizojnë dot në një fushë ku kandidati i opozitës është më i zhdërvjellët se halldupët e pushtetit.
Dhe në fund, thuaj të vërtetën: më mirë Ogerta se Flori?!”-shkruan Qarri.
