Kryetari i Partisë Demokratike Sali Berisha, ka sjellë në vëmendje një deklaratë të eurodeputetit Tomáš Zdech...
POLITIKE
Kandidimi/ Berisha: Florjan Binaj me “Piranjat” janë në linjën e parë të luftës antikorrupsion
PiranjatPërditësimi i fundit 6 Tetor 2025, 13:16
Teksa ka prezantuar aktorin dhe moderatorin e mirënjohur Florjan Binaj si kandidaturë të opozitës përballë kundërshtarit politik, PS në vendoret e pjesshme në Tiranë, kryedemokrati Sali Berisha tha se Binaj, është në linjën e parë të luftës kundër korrupsionit.
Në konferencën me gazetarët në selinë blu, Berisha theksoi se Florjan Binaj me emisionin e tij ‘Piranjta” është në linjën e parë të luftës antikorrupsion.
"Florjan Binaj është nga ata artistë që konsideron kauzat qytetare si kauzat e tij. Dhe të gjithë ju jeni dëshmitarë të betejave që ai ka bërë së bashku me të tjerë në mbrojtje të këtyre kauzave. Ai ishte për vite e vite me radhë, yll apo superyll i shfaqjes më të shikuar të vendit dhe në çdo rol, interpretimi i tij ishte më i pëlqyeri, ishte i përsosur. Ai, së bashku me bashkëpunëtorë, me ekip, kanë ndërtuar dhe paraqesin një nga emisionet investigative më të shikuara, Piranjat, të cilat Edi Rama, i tmerruar, i përzuri nga televizioni ABC dhe u zhvendosën tek televizioni SYRI. Pra, mund të themi se në këtë kontekst, Florian Binaj, së bashku me ekipin drejtues të Piranjave dhe stafin, janë në linjën e parë të luftës kundër korrupsionit. Kundër kësaj dukurie shkatërrimtare për Shqipërinë dhe shqiptarët”-u shpreh Berisha.
