Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
POLITIKE
FOTO/ Njihet sot me masën e sigurisë, dalin pamjet nga mbërritja e Beqajt në GJKKO
n.fPërditësimi i fundit 5 Korrik 2024, 10:14
Policia
TIRANË- Ish-ministri i Shëndetësisë, Ilir Beqaj së bashku me dy bashkëpunëtorët e tij kanë mbërritur në ambientet e Gjykatës së Posaçme. Ata do të dalin sot para Gjykatës së Posaçme për verifikim të kushteve të masës së sigurisë. Ndërkohë kanë dalë pamjet nga momenti kur makina e policisë arrin në ambientet e GJKKO-së.
Beqaj dhe dy bashkëpunëtorët e tij u arrestuan ditën e djeshme pasi akuzohet për abuzim me fondet e BE-së gjatë kohës që ka qenë drejtor i Agjencisë Shtetërore të Programimit Strategjik dhe Koordinimit të Ndihmës (SASPAC).
Mësohet se seanca do të mbahej në orën 09:30. Masa e sigurisë u kërkua nga prokurorja e SPAK Elida Kaçkini e cila ka hetuar dosjen e SASPAK si dhe u mor nga nga gjyqtarja Rudina Palloi. Beqaj akuzohet dhe për korrupsionit, mos deklarim të ardhurave duke fshehur pronësinë e restorant "Gzones" afër Kalasë së Tiranës dhe të një automjeti. Gjithashtu në pranga është vënë edhe bashkëpunëtori i i ish-minitrit Ermal Kurtulaj i cili ishte koordinator i EUSAIR, projekt i rëndësishëm i mbështetur nga fondet e Bashkimit Evropian dhe që menaxhohej nga Agjencia Shtetërore të Programimit Strategjik dhe Koordinimit të Ndihmës (SASPAC), ku Beqaj ishte drejtor.
Përveç Beqajt dhe Kurtulajt gjykata ka vendosur arrest me burg edhe për Alfred Nikolla i cili kishte postin e drejtorit Administrativ të një kompanie me emrin "Landëays International" e cila është përdorur për këtë skemë përfitimi sipas SPAK.
