Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
POLITIKE
"Vilma Nushin ma solle ti, nuk e kam njohur kurrë", Berisha: Beqaj kërcënoi Ramën
M.B.Përditësimi i fundit 4 Korrik 2024, 21:06
Sali Berisha
TIRANA- Kreu i Partisë Demokratike, Sali Berisha tha sot se ish-ministri i Shëndetësisë, Ilir Beqaj, i arrestuar sot, e ka kërcënuar kryeministrin Rama duke i thënë se "Vilma Nushin ia ka sjellë ai". Berisha tha se Beqaj dhe përgjegjës të tjerë për menaxhimin e situatës së shkaktuar nga Covid-19, i paguanun Nushit 455 mijë analiza të pabëra kurrë. Kreu i PD tha se nuk është terapi të lësh qindra e qindra fëmijë pa mjekimin e tyre.
Pjesë nga fjala e Berishës:
Miqtë e mi, aferë kriminale e paimagjinueshme është check-upi. Komisioni i KLSH ka gjetur se Vilma Nushi, e cila meriton çdo epitet, por unë nuk po e prish gojën, është paguar në 2 vjet, nga Beqaj dhe Korba e Kovidit për 455 mijë analiza të pakryera kurrë. A ka krim më të shëmtuar se ky? Në një kohë kur qytetarët e varfër mbeten viktimë e pamundësisë për të bërë një analizë. Shesin ç’kanë dhe nuk jkanë për të paguar analizat që u duhen për diagnozë.
Kurse Beqaj i Ramës dhe Korba e Kovidit i paguanin Vilmës 455 mijë analiza të pabëra kurrë. Miqtë e mi, një debat të zhvilluar midis Edi Ramës dhe Ilir Beqës, në të cilën Edi Rama gati sa nuk po i thoshte se ti Ilir ke ngrënë dardha, nuk ia dha dot, se Iliri e kuptoi dhe i tha: Atë Vilmën ma ke sjellë ti, unë nuk e kam njohur kurrë. Kjo është e vërteta. Po kaq janë vjedhjet e tmerrshme me analiza. Asnjë i burgosur, asnjë i dënuar.
Po kaq janë vjedhjet dhe dënimi me vdekje të të sëmurëve me sëmundje të rënda duke mos u dhënë ilaçet. Duke mos marrë mjekimet që meritonin. Nuk ka drejtësi! Për Dumanin, këtë kriminel në krye të organizatës kriminale nuk është krim të lësh tre vjet 600 gra e vajza pa radioterapi, metodë kryesore e mjekimit të tyre Nuk është krim të lësh 200 të sëmurë pa voltoterapi.
Nuk është terapi të lësh qindra e qindra fëmijë pa mjekimin e tyre. Nuk është krim vepra makabre e ish-kunatës së Edi Ramës, që rifut në qarkullim ilaçet e skaduara duke urdhëruar mashtrimin. Nuk është krim për Dumanin, këtë monstër të drejtësisë. Nuk janë krime këto. Por duhet të mbrojë Edi Ramën dhe vjedhjet e tij.
