Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
POLITIKE
"Gërdeci"/ Kompania për prodhimin dhe shpërndarjen e armëve, Braçe në Komisionin e Ekonomisë: Kemi mbi kurriz ngjarje të tmerrshme, duhet menduar dhe siguria
M.B.Përditësimi i fundit 24 Korrik 2024, 11:34
Foto nga Komisioni
TIRANA- Deputeti i Partisë Socialiste Erion Braçe ka folur sot në Komisionin e Ekonomisë gjatë diskutimit mbi projektligjet që lidhen me krijimin e shoqërive tregtare të armëve. Braçe ka pyetur zyrtarët e Ministre së Mbrojtjes se cila është strategjia e sigurisë që ministria ka menduar kur shoqëritë e armëve do të ngrihen. Deputeti kujtoi tragjedinë e Gërdecit kur se më parë lidhur me kompanitë e armëve, kemi pasur në kurriz ngjarje të tmerrshme.
Pjesë nga diskutimi në Komision:
Erion Braçe: Ju thatë që likujdohen ndërmarrjet ushtarake Gramsh dhe Poliçan?! Çfarë ndodh me këto pas këtij momenti. Duhet pasur parasysh jo vetëm lehtësia e këtij biznesi, ne kemi mbi kurriz ngjarje të tmerrshme dhe duhet menduar dhe siguria. Prandaj po pyes ku do të shkojë?
Zv/ministri i Mbrojtjes, Dorian Tola: Aktivi i tyre i kalon shoqërisë private me të gjitha asetet që ka. Ne kemi pasur sigurinë në mendje kur kemi menduar këtë ligj. Një pjesë e atyre që do vijnë nuk do të shkojnë në vendet e larta sepse do duan të jenë afër infrastrukturës së zhvilluar, afër pikave të transportit, porteve, hekurudhave apo të gjitha pikave që kanë mundësi të qarkullojnë më lehtësisht mallrat. Nga ana tjetër përsa i përket sigurisë, prioriteti ynë është që këto zona do të kenë garancinë e sigurisë duke u mbështetur në disa konsulta të vazhdueshme sipas rregullave strikte të NATO-s dhe në strategjinë e sigurisë kombëtare.
