Gjekmarkaj humbi ndjenjat në protestë, Salianji: Rama, i dhunshëm, urren më shumë intelektualët! Para atyre i del në pah cektësia e dijeve të tij

FIER- Ish-deputeti i Partisë Demokratike, Ervin Salianji ka reaguar nga qelia lidhur me situatën që u krijua dje në protesën e djeshme të opozitës ku nënkryetari i Kuvendit Agron Gjekmarkaj humbi ndjenjat. Salianji thotë se i uron shërim e rikuperim të shpejtë Gjekmarkajt. Ai shton se kryeministri Edi Rama është i dhunshëm dhe ata që ai urren më shumë, sipas tij, janë intelektualët para të cilëve i del në pah cektësia e dijeve.

Salianji shton se të mburresh se je nxënësi i Nolit e Konicës e të godasësh protestues paqësorë, të çosh policë me kallash përballë Opozitës, e të lesh pa ndjenja një pedagog, kritik letrar e nënkryetar Kuvendit, është hipokrizi e nivelit aq të lartë, sa është korrupsioni qeveritar dhe lidhjet me krimin.

Ish-deputeti thotë se këto janë përpëlitjet e një të dëshpëruari që përtej pushtetit, nuk ka asgjë tjetër. Ai shton se Rama është një prej dështimeve më të medha të vendit e të këtyre dekadave liri.

POSTIMI:

Reagim nga kabina telefonike e I.E.P.V FIER për dhunën ndaj mikut dhe kolegut të nderuar Agron Gjekmarkaj

I uroj shërim e rikuperim të shpejtë mikut e kolegut Agron Gjekmarkaj. Edi Rama është i dhunshëm dhe ata që ai urren mē shumë, janë intelektualët para të cilëve del në pah cektësia e dijeve të tij.

Të mburresh pa turp se je gjasme nxënësi i Nolit e Konicës e të godasësh protestues paqësorë, të çosh policë me kallash përballë Opozitës, e të lesh pa ndjenja një pedagog, kritik letrar e nenkryetar Kuvendit, është hipokrizi e nivelit aq të lartë, sa është korrupsioni qeveritar dhe lidhjet me krimin.

Këto janë përpëlitjet e një të dëshpëruari që përtej pushtetit, nuk ka asgjë tjetër. Edi Rama është një prej deshtimeve më të medha të vendit e të ketyre dekadave liri.

Si furacak i madh, kerkon tē mbahet me akte dhune përmes skalioneve ushtarake, nga ku mendon se merr doza trimerie.
Eshtë fundi i tij i dashur Agron!

Ai mendon se duke burgosur kundershtarët, duke i dhunuar ata, duke i perndjekur do shtojë jetëgjatësinë në karrige. Por në fakt po ben të kunderten.

11 maji po vjen dhe është dita kur shqiptarët do ndahen me këtë të keqe

ervin salianji