Gjykata e Lartë rrëzon ankimin e Alibeajt, lë në fuqi vendimin për simbolet e PD-së

vula e pd

TIRANË- Gjykata e Lartë ka rrëzuar ankimimin e Enkelejdt Alibajt, i cili kërkoi rrëzimin e vendimit të Apelit që i dha Sali Berishës logon dhe vulën Partisë Demokratike. Kolegji Civil që mori vendimin përbëhej nga gjyqtarët Enton Dhimitri, Margarita Buhali dhe Valbona Cekrezi. 

Vendimi i Gjykatës së Apelit i datës 11 qershor, i dha zyrtarisht vulën dhe logon, kreut të PD-së, Sali Berishë. Në arsyetimin e saj, Gjykata e Apelit thekson se grupi i Lulzim Bashës nuk legjitimohej si palë në proces me përfaqësues Enkelejd Alibeajn i cili autorizuar me shkrim nga Lulzim Basha.

Sipas Apelit, ankimi i bërë nga Enkelejd Alibeaj në kushtet kur Lulzim Basha kishte dhënë dorëheqjen nga kryetar i PD dhe si i tillë autorizimi ka humbur efektet juridike prej datës 21 mars 2022, pavarësisht se Basha nuk e kishte dorëzuar dorëheqjen në gjykatë, por sipas Apelit ky është një fakt i njohur botërisht. Vendimi i Apelit la në fuqi vendimin e 25 marsit 2022, të ish-gjyqtarit Agron Zhukri.

gjykata e larte vula e pd