Hedhja e gazit lotjesjellës në protestë/ Berisha dhe Këlliçi dënojnë aktin: Hakmarrje primitive e Edi Ramës ndaj Balliut!

Foto ilustruese

TIRANË- Kryetari i Partisë Demokratike, Sali Berisha për mes një postimi në llogarinë e tij në "Facebook" ka reaguar në lidhje me hedhjen gazit lotsjellës ndaj protestuesve sot para bashkisë së Tiranës. Ka hedhja e gazit lotsjellës pati probleme koordinatori rajonal i Tiranës, Klevis Balliu.

Berisha shkruan se kjo është një hakmarrje primitive e Ramës ndaj Flamur Nokës, Bledian Nallbatit dhe Klevis Balliut. Ai më tej shtoi se dënon me forcë këto aktë të cilat i ka cilësuar si bandistike Rama-Balla kundër opozitës.

"Hakmarrje primitive e Edi Ramës ndaj Klevis Balliut! Hidhet gaz toksik në sy dhe fytyrë kundër Flamur Nokës, Bledian Nallbatit dhe Klevis Balliut. Dënoj me forcën më të madhe këto akte banditeske Rama- Balla kundër opozitës," shkruan Berisha.

Në lidhje me këtë ngjarje ka reaguar edhe anëtari i Kryesisë së PD, Belind Këlliçi. Edhe ai për mes një postimi në "Facebook" është shprehur se kjo është sjellje barbare ndaj qytetarëve që protestojnë kundër korrupsionit dhe vjedhjes. Ai më tej shtoi se banda 5D do marrë përgjigjen e merituar në protestën e rradhës.

"Dhuna shtazarake ndaj Klevis Balliut dhe deputetëve të PD, e ka një emër dhe një fytyrë!!! Përpos porositësit të dhunës që e dimë që është pronari faktik i inceneratorit, ju lutem na dërgoni informacion për emrin e policit bandit që shihni në foto, i cili sot në një akt të pashembullt urrejtje, goditi dhe helmoi zyrtarët e Partisë Demokratike me urdhër politik!

Kjo sjellje barbare e Policisë ndaj qytetarëve që protestojnë kundër korrupsionit dhe vjedhjes së qindra milionë eurove nga Erion Veliaj dhe banda 5D, do marë përgjigjen e merituar në protestën e rradhës," shkruan Këlliçi.

berisha kellici balliu