Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"Po hedhin në erë tempujt e njeriut"/ Neritan Liçaj nga protesta: Këta njerëz janë të korruptuar së brendshmi, se në para janë miliarderë!
S.BPërditësimi i fundit 10 Qershor 2024, 12:09
Neritan Liçaj
TIRANË- Aktori i njohur Neritan Liçaj mbajti fjalimin e tij në protestën e ditës së sotme para Bashkisë së Tiranës. Në fjalim Liçaj shprehet se paraardhësit e ministrave dikur shembën tempujt e zotave duke hedhur kishat, xhamitë e teqetë në erë.
Ndryshe nga atëherë, Liçaj shprehet se mazhoranca po hedh në erë tempujt e njeriut siç janë teatrot, muzetë, galeritë etj.
Fjalimi i plotë:
Çfarë bëri Cjapi i Surrelit?! Cjapi i Surrelit do të marrë tokën e dhuruar nga rilindasit e vërtetë për të pasuruar veten e vet! Domethënë, në qoftë se rilindasit e vërtetë shqiptarë u përpoqën dhe shkrinë pasuritë e tyre familjare për të bërë këtë komb, të vjen Cjapi i Surrelit me këtë “qitësin” e vogël dhe vjedh pasuritë tona kombëtare për të pasuruar firmën Fusha. Dhe mua më habit dhe ky biznesmeni Fusha: a një çikë moral ky njeri, mor burrë? A është ndonjëçikë tirans?! A është një çik shqiptar?! Se është turp ta marrë atë për të bërë biznes. Ka një limit! Ka një kufi çdo gjë. E dyta që doja të thosha, paraardhësit e këtyre, Beqir Ballukërat e ku di gjë unë e gjithë çfarë janë, ish-ministri juaj, Çuçi i Sigurimit… se ne të gjithë çunat e Tiranës u futëm kush në arte, kush në arkeologji, arkitekturë, ky Çuçi – në Sigurimin e Shtetit! Nejse, ç’rëndësi ka, punë e tij… Këta shembën tempujt e zotave! Hodhën kishat, xhamitë, teqetë, në erë! Duke na mallkuar si komb, ata. Tani, këta “kingat”, pasardhësit e tyre, po hedhin në erë tempujt e njeriut, që janë galeritë, teatrot, muzetë, bibliotekat etj, etj. tani, bëjeni llogarinë vetë se sa të korruptuar janë këta njerëz së brendshmi, se në para janë miliarderë!
