Hetimi për konçensionet në shëndetësi/ Shehaj: Beqaj si anëtar i bandës, absurde ajo që ndodhi në Kuvend

Agron Shehaj 

TIRANË- Deputeti Agron Shehaj tha se ish-ministri i Shëndetësisë Ilir Beqaj nuk është viktimë, por mund të hiqet si viktimë dhe në të vërtetë viktimat janë qytetarët. Shehaj i ftuar në emisionin “Open” në News24 u shpreh se Beqaj është si anëtari i bandës, që kapet në rrugë dhe më pas banda kujdeset për të. Më tej ai u shpreh se Beqaj ka vjedhur para që duhej të shkonin për ilaçe. 

“Ne duhet të na çudisin politikanët që pasurohen nga pushteti dhe nuk i hyn gjemb në këmbë, dhe jo ata që i shohim me prangat. Është shumë e rëndë ajo që ka bërë, ka vjedhur fondet e shëndetësisë, ndërkohë që ata që shkojnë në spitale nuk kanë ilaçe. Është absurde kjo që ndodhi në Kuvend. Kjo që ndodhi sot tregon se Ilir Beqaj është pjesë e bandës. Ajo që po ndodh është e rëndë, si mundet që një njeri që akuzohet për korrupsion të shkojë në Kuvend dhe të kërkojë power point. Ka vjedhur para që duhej të shkonin për ilaçe. Këta në raport me atë që kanë vjedhur, e kanë burgun sikur po rrinë në shtëpi”, tha Shehaj.

agron shehaj