Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
POLITIKE
"I hap rrugë të tjerëve," Dashamir Shehi largohet nga drejtimi i koalicionit Djathtas për Zhvillim: Këto zgjedhje ishin një farsë!
n.fPërditësimi i fundit 21 Maj 2025, 11:34
TIRANË- Dashamir Shehi ka njoftuar ditën e sotme se është larguar nga drejtimi i koalicionit Djathtas për Zhvillim. Shehi gjatë një konference për shtyp tha se mban përgjegjësi për humbjen. Ai theksoi se zgjedhjet e 11 majit ishin një farsë mes PD-së dhe PS-së.
“Këto zgjedhje ishin një farsë mes PD dhe PS. Listat e mbyllura, votat e diasporës dhe mungesa e komisionerëve nxori këtë rezultat. Ndryshime kushtetuese, rishikim i reformës territoriale dhe reforma zgjedhore do të kërkojmë këto ndryshime, në të kundërt do të vazhdojmë me këto rezultate,” tha Shehi.
Sipas tij në këto zgjedhje pati një element pozitiv pasi partitë e reja arritën të merrnin mbështejte të cilën e çuajti çarj të rrethimit. Ai shtoi se shpreson që këto parti të reja të sjellin në Kuvend një sinergji politike më të mirë.
“Zgjedhjet i humbëm prandaj gabimet e mia dje prandaj largohem, i hap rrugë të tjerëve. Nga gjithë zgjedhjet pati një element pozitiv, partitë të reja e çan rrethimin dje bravo i qoftë. Uroj të prodhojnë një sinergji politike më të mirë. Vetëm kjo është e mira këtyre zgjedhjeve,” shtoi ai.
