Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
POLITIKE
“I krijuar për talentet!" Rama: "Durana Tech Park", epiqendra e rritjes së sipërmarrjeve dhe zhvillimit teknologjik
M.B.Përditësimi i fundit 2 Prill 2025, 11:44
TIRANA- Kryeministri Edi Rama ka marrë pjesë sot në eventin për dorëzimin e certifikatave për rezidentët e parë te "Durana Tech Park". Sipas Ramës kjo hapësirë do të bëhet epiqendra e rritjes së sipërmarrjeve, zhvillimit teknologjik dhe ekonomik e rajonit. Gjatë fjalës së tij, kryeministri tha se "Durana Tech Park" është krijuar që të angazhojnë sa më shumë talente shqiptare.
“Siç dukej utopik qëllimi ynë për të bërë Shqipërinë lider në shërbimet elektronike, ashtu siç dukej utopik edhe fakti se do të përshpejtonim procesin e negociatave gjë që po ndodh. Ashtu siç dukej utopik edhe qëllimi që të kemi një inteligjencë artificiale për të zhvilluar prokurimet publike pa pjesëmarrjen e njeriut gjë që po e zhvillojmë. Në Europë do ta kemi në dispozicion deri në fund të vitit të ardhshëm.
Jemi në bashkëpunim të përditshëm edhe me Microsoft. Po punojmë edhe me vende të tjera. Kemi pasur përfaqësues që janë duke u marrë me këtë produkt dhe do ta realizojmë. Sot Durana Tech Park merr jetë dhe ka një numër jo të vogël kompanish që kanë shprehur interesin. Qëllimi ynë nuk është të sjellim sa më shumë kompani të huaja, por të angazhojmë sa më shumë talente shqiptare”, tha Rama.
