Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
Sulmi ndaj avokatit/ Berisha: Sokol Mëngjesi është një luftëtar i të vërtetës, u godit me inkurajimin e Ramës
r.llPërditësimi i fundit 29 Maj 2024, 20:34
sali berisha
TIRANË- Kreu i Partisë Demokratike, Sali Berisha në fjalimin e mbrëmjes së sotme para mbështetësve të tij ka folur për sulmin që iu bë sot avokatit të tij, Sokol Mëngjesit. Ky i fundit, tashmë në tubim intensiv, u dhunua brutalisht pasi ka lënë djalin e tij në shkollë. Berisha tha se Mëngjesi është një luftëtari i të vërtetës, ndërsa shtoi se sot pagoi betejën e tij për ligjin dhe për të drejtën.
"Mirëmbrëma dhe përshëndetjet më të përzemërta ju demokrateve dhe demokratëve të pamposhtur, qëndrestareve dhe qëndrestarëve, misionarëve të vërtetë të kauzës tonë të madhe. Të dashur miq, sot krimi i mbështetur, i mbrojtur, i fuqizuar nga qeveria e krimit, goditi një prind tek dërgonte fëmijën në kopsht.
Goditi një akademik, profesor. Goditi një qytetar me integritet. Një njeri të virtytshëm, një shërbëtor të shkëlqyer të qytetarëve të vendit. Goditi profesor Sokol Mëngjesin. Të dashur miq, Sokol Mëngjesi është nga ata intelektualë që studioi jashtë, por u kthye t’i shërbejë vendit të vet dhe qytetarëve të tij. T’u shërbejë atyre me dinjitet. Ai është një personalitet në botën akademike shqiptare. Një specialist i shquar në fushën e tij. Por ai është një luftëtar i të vërtetës dhe ai pagoi sot betejën e tij për të vërtetën, për ligjin, për të drejtën.", u shpreh Berisha.
Më tej lideri i opozitës tha se avokati u sulmua nga një grup i strukturuar kriminal që kishte sipas tij qëllimin ta eleminonte fizikisht. Berisha tha se Mëngjesi u godit me inkurajimin e kryeministrit Edi Ramsa dhe ministrit Taulant Balla.
Miqtë e mi, Sokol Mëngjesin, një grup i strukturuar kriminal e sulmoi për ta eliminuar fizikisht. Në fakt ai është në gjendje serioze sonte. Dhe ai sulm me objekte të hekurta, i organizuar nga një bandë me mbështetje, nuk kishte qëllim tjetër veçse eliminimin e tij. Menjëherë pas atentatit ndaj tij në mediat e qeverisë u përhapën lajmet, mashtrimet më të mëdha.
Fillimisht se ishte një zënkë e çastit, më pas se ishte çështje prone dhe së fundmi një çështje gjyqi. Unë u them ju një gjë, që është një goditje e mirëfillte politike. Sepse Sokol Mëngjesi po të kishte qenë avokat i Edi Ramës apo Belinda Ballukut, nuk do e kishte prekur njeri me dorë. Por Sokol Mëngjesi, pavarësisht nga preteksti, u godit me inkurajimin madhor të Edi Ramës, Taulant Ballës, mbështetësve kryesorë të krimit në Shqipëri.
