Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Investigimi nga "Piranjat"/ SPAK amniston Majlinda Bufin, PD: Po vepron njësoj si me dosjen 184 dhe 339
M.B.Përditësimi i fundit 24 Janar 2025, 14:38
TIRANA- Deputeti i Partisë Demokratike Luan Baçi ka bërë një deklaratë për mediat ku tha se SPAK-u po tregon çdo ditë e më shumë se nuk është asgjë tjetër vetëm se një degë e partisë në pushtet. Ai tha se SPAK Kryetaren e Bashkisë së Roskovecit, Majlinda Bufi SPAK refuzon të hetojë pasi prej datës 9 maj 2023 në tryezën e prokurorëve të këtij institucioni, ndodhej kallëzimi penal me numër 66 i bërë nga Sekretari i Përgjithshëm i PD Flamur Noka, për dy vepra penale, ‘Shpërdorim detyre’ dhe ‘Kanosje apo dhunim të pjesëmarrësve në zgjedhje’.
Baçi tha se rasti është bërë publik më datë 4 maj të vitit 2023 nga emisioni ‘Piranja’, ku tregohet se një punonjëse e Bashkisë largohet nga puna vetëm e vetëm se mori pjesë në një takim të organizuar nga opozita në këtë qytet. Ai shtoi se në përgjimet e bëra nga gazetarët investigativë, del qartazi dhe presioni që Majlinda Bufi ushtron ndaj familjarëve të punonjëses për të mos dalë në ditën e votimit, vetëm e vetëm se ata nuk mendojnë dhe nuk votojnë siç do ajo.
"Më shumë se një vit pas këtij denoncimi, SPAK ka hequr dorë nga hetimi i Bufit dhe ja kaluar çështjen për hetim prokurorisë së rrethit Fier. Një veprim i ngjashëm me dosjen 189 të Dibrës, të cilën Prokuroria e Krimeve të rënda dje dhe SPAK i sotëm refuzoi ta hetojë. Edhe sot Majlinda e partisë që e drejton Bashkinë si ta ketë feudin e saj, refuzon të hetohet nga SPAK i partisë", tha ai.
Deklarata e deputetit të PD-së, Luan Baçi:
SPAK-u po tregon çdo ditë e më shumë se nuk është asgjë tjetër vetëm se një degë e partisë në pushtet. Kryetaren e Bashkisë së Roskovecit, Majlinda Bufi SPAK refuzon të hetojë. Prej datës 9 maj 2023 në tryezën e prokurorëve të këtij institucioni, ndodhej kallëzimi penal me numër 66 i bërë nga Sekretari i Përgjithshëm i PD Flamur Noka, për dy vepra penale, ‘Shpërdorim detyre’ dhe ‘Kanosje apo dhunim të pjesëmarrësve në zgjedhje’.
Rasti është bërë publik më datë 4 maj të vitit 2023 nga emisioni ‘Piranja’, ku tregohet se një punonjëse e Bashkisë largohet nga puna vetëm e vetëm se mori pjesë në një takim të organizuar nga opozita në këtë qytet. Dhe jo vetëm kaq, por në përgjimet e bëra nga gazetarët investigativë, del qartazi dhe presioni që Majlinda Bufi ushtron ndaj familjarëve të punonjëses për të mos dalë në ditën e votimit, vetëm e vetëm se ata nuk mendojnë dhe nuk votojnë siç do ajo.
Më shumë se një vit pas këtij denoncimi, SPAK ka hequr dorë nga hetimi i Bufit dhe ja kaluar çështjen për hetim prokurorisë së rrethit Fier. Një veprim i ngjashëm me dosjen 189 të Dibrës, të cilën Prokuroria e Krimeve të rënda dje dhe SPAK i sotëm refuzoi ta hetojë. Edhe sot Majlinda e partisë që e drejton Bashkinë si ta ketë feudin e saj, refuzon të hetohet nga SPAK i partisë.
Më këtë qëndrim, SPAK nuk po jep miratimin që Bufi Roskovecit të vazhdojë të vjedhë fondet publike, shantazhojë qytetarët apo manipulojë votat, një punë të cilën ajo e bën më mirë se çdo tjetër. Pra, SPAK-ut të Partisë nuk i mjafton kërcënimi i drejtpërdrejtë me zë i kryetares ndaj një punonjësi thjeshtë se ka marrë pjesë në takimin e opozitës nuk i mjafton mënyra se si përpiqet që të orientojë votën e një familjeje të thjeshtë për ta marrë nën hetim.
Majlinda Bufi ka kryer krim zgjedhor dhe për vetë funksionin që ka duhet të jetë objekt i SPAK dhe jo i prokurorisë së rrethit. Por duket qartë se tashmë në prag të zgjedhjeve parlamentare Edi Rama me Belinda Ballukun po mundohen të shpëtojnë ç’të munden nga veglat e tyre, me qellim ripërdorimin e tyre ne zgjedhjet e 11 majit. Por sado që të përpiqen për të shpëtuar bashkëpunëtorët që s’janë tjetër vetëm se pjesë e makinerisë së vjedhjes shtetërore dhe manipulimit të votave, sërish nuk do i shpëtojnë gjykimit dhe ndëshkimit qytetar të votës së 11 majit.
