Numri i viktimave nga tërmetet e fuqishme që goditën Venezuelën më 24 qershor ka arritur në 5,278, sipas bilancit më të...
POLITIKE
"Të përkushtuar në forcimin e lidhjeve dypalëshe"/ Ambasadori Marco Alberti mbërrin në Tiranë, Presidenti Begaj pranon letrat kredenciale të tij
b.zPërditësimi i fundit 24 Janar 2025, 14:25
Begaj, Alberti
TIRANË - Ambasadori i ri i Italisë Marco Alberti ka mbërritur në Tiranë, aty ku është pritur nga Presidenti i Republikës, Bajram Begaj. Begaj pranoi Letrat Kredenciale të Albertit të cilit i shprehu gatishmërinë e institucioneve shqiptare për ta ndihmuar në përmbushjen e detyrës gjatë mandatit diplomatik në Tiranë.
Në qendër të diskutimit mes tyre ishte bashkëpunimi politik mes dy vendeve për të forcuar lidhjet dypalëshe. Në takim u vlerësuan marrëdhëniet Shqipëri-Itali, ndërsa u theksua angazhimi i plotë për thellimin e partneritetit strategjik bazuar në marrëdhëniet e qëndrueshme historike, ekonomike dhe kulturore.
Presidenti Begaj: Kontaktet e shpeshta tregojnë përkushtimin tonë për forcimin e lidhjeve dypalëshe, bazuar në interesat strategjike reciproke si aleatë të NATO-s me një të ardhme të përbashkët në BE.Shqipëria do t’i jetë gjithmonë mirënjohëse Italisë për mbështetjen e vazhdueshme dhe të zëshme ndaj politikës së zgjerimit të BE-së dhe për rolin e saj proaktiv në mbrojtjen dhe mbështetjen e perspektivës së Shqipërisë në BE”.
Gjithashtu, gjatë dialogut mes tyre u vlerësua edhe integrimi i shqiptarëve në Itali gjatë tri dekadave të fundit, si dhe kontributi i biznesit italian dhe shkëmbimeve turistike në marrëdhëniet mes dy vendeve.
